之前都預告過香港科學館會有「彼思動畫的科學秘密」展覽,展覽終於喺上個月開催,深媽亦都喺開展前較定鬧鐘上網預約參觀,所以可以第一時間帶深深去睇展覽,探一探啲卡通人物。

親子好去處2021|黃大仙東啟德公園內有「寵物公園」8月11日正式啓用

彼思動畫的科學秘密

未入展場之前,已經可以於科學館地面部分見到三組動畫展品,包括《反斗車王》麥坤、《玩轉腦朋友》一班角色及《超人特攻隊》成家都喺度守候大家,去展覽之前可以同佢哋合照。

多組不同概念展品 增加STEAM科學知識

展覽分為8個區域,介紹彼思動畫製作的不同技術程序,展出50多組有趣和吸引的互動展品 、實物模型及錄像節目 。每一套動畫背後除咗要有一班創作團隊設計出有趣故事之外,原來每個製作都牽涉科學、技術、工程、美術同數學(STEAM)概念!

暑假親子好去處|PMQ Seed 2021教育節設大量免費親子工作坊3-12歲啱玩

親子好去處2021, STEAM, 彼思動畫的科學秘密, 展覽, 網上預約, 香港財經時報HKBT
圖片:作者提供
STEAM之培養|彼思動畫的科學秘密!4歲小朋友去影相多過睇展覽|深媽實道

體驗感受製作動畫過程

入到場入面,人數控制都做得唔錯,唔會話多人到玩唔到睇唔到,不過老實講,個人覺得展覽確實適合年紀大一點的小朋友,起碼小學階段會比較好,對4歲幾的深深來說,都是影相多於睇展覽。

小朋友可親嘗調較燈光

場內可以學到的包括建立模型、建立骨架結構、建構表面、布景與攝影、角色動作製作、效果模擬、燈光、成像製作及製作流程等,全部都與製作一套動畫有關,小朋友可以親嘗調較燈光,看看動畫師的日常工作流程是怎樣的。

海洋公園水上樂園開幕日期、門票收費公布!「八彩天梯」6類人唔玩得

STEAM, 彼思動畫的科學秘密展覽, 香港財經時報HKBT
圖片:作者提供
STEAM之培養|彼思動畫的科學秘密!4歲小朋友去影相多過睇展覽|深媽實道

需要網上登記預約

是次展覽屬專題展覽,需要購票入場,而持有博物館通行證的則可以免費參觀,需要留意的是展覽採取分段入場安排,想參觀就必須預先上網預約參觀日子及入場時間,呢個展覽因為啱啱開始,每日都比較多人登記入場,大家想有機會成功,就要留意預約系統於每天早上7時更新,可供預約未來7天之入場時段,把握好時間上網登記。

彼思動畫的科學秘密網上預約系統https://hk.science.museum/ms/pixar2021

作者簡介:深媽是一名雙職媽媽,曾任職傳媒行業,做過副刊親子、教育、家居、健康、寵物版記者,現時日頭是專業Digital Marketing人,放工返到屋企即變身成「湊仔戰士」,同屋企一隻即將4歲的跳跳紮兒子搏鬥。攰,但相信不少媽媽都同我一樣樂在其中!

免責聲明:本網頁所有專欄作者的觀點,不代表本媒體立場。