讀者來信：Anthony Sir你好！最近去過好幾個大陸樓的展銷會，睇過兩三個不同城市，個個都話發展潛力無限，千億基建冇得輸，到底那個真那個假啊？應該怎麼選呢？
回覆讀者來信：揀對城市是第一關
買大陸樓又好，買海外樓又好，想賣得出、租得出、賺到錢，揀對城市，是第一關！很多人不明白，將大陸樓或海外樓，當香港樓去睇。記住！香港只是一個城市，好細，一個鐘頭車，那裡都去到，大陸不同，外國不同，一個鐘頭，隨時未出到城！
美國樓點睇？日本樓買得過嗎？
例如經常有網友問…美國樓點睇？日本樓買得過嗎？買邊度先？這是一個國家！很大！有很多城市！例如美國，如果你買曼克頓華爾街附近當然沒問題，但如果你買德州電鋸殺人狂那邊，聽見都腳仔軟啦，係咪？又例如日本，雖說經濟差，但如果你買東京大阪問題也不會太大，但如果你貪平買福島核電廠那邊，咪玩啦，好鍾意幅射咩？
按揭貸款懶人包2021 點先借到30年還款期按揭！銀行拒批貸款4個因素
單在大灣區已有9個國內城市
大陸樓亦一樣，幾百個城市，單在大灣區已經有9個國內城市，別聽見「大灣區」就飛身撲埋去，很多人去兩個展銷會，聽個代理講幾句，睇幾條Youtube片就以為自己識，就買！中伏啦！做代理的當然個個盤都話好，個個城市都潛力無限，搵食啫！
點揀有爆升潛力的城市要睇3個方向
要成為專業投資者，一定要親自去睇、去感受，過去幾年，筆者與學員們跟前輩Giano南征北討近20個城市，認真研究，原來每個城市都好唔同，點揀有爆升潛力的城市，總結3個方向…
村屋價錢平、儲夠首期想買樓？從自住＋投資角度分析為何不建議買村屋｜第一桶金
第一，睇國策！
…不同時候，國家有不同的發展重點，例如之前是長三角，今天是大灣區，所謂「城市群」。中國大陸地方大、人口多，好多時講國策、講發展，不是發展單一城市，而是整個片區，重點城市帶動週邊城市一併發展，城市之間互相補足。例如長三角以上海為心，旁邊有蘇州、坑州、南京、無鍚等。例如大灣區以香港深圳、澳門珠海、廣州做三大核心，旁邊有東莞、惠州、中山、江門、佛山、肇慶等。
第二，睇內需！
…去多幾次展銷會你就會發現，個個城市都講到自己好多規劃、好多基建，問題是個個城市都有建設，都有橋、有路，為甚麼別人要來呢？看看港珠澳大橋就明。因此我們揀城市通常會揀有內需的城市，萬一發展不預期，都可以靠自己。以筆者家鄉東莞為例，以前做工業，現在工廠搬走，一樣撑得住！
按揭還款期平均27.42年 香港樓市3個現像 負利率下樓價走勢最新預測 置業前必知
考察整個城市
平時去展銷會，去豬仔團，只會吃飯、睇樓，當然看不到！或者城市發展成熟，發展商根本唔想你睇到！我們的考察團，必定會花大部份的時間考察整個城市，例如有甚麼優勢產業，人均收入多少，購買力是否夠強，能否吸引人口流入等等。
第三，睇水位！
…如果價錢已經太貴，水位不多，發展幾好，內需幾好都冇用！例如睇英國樓已經很少睇倫敦，澳洲樓也很少人睇悉尼，同樣投資大陸樓，深圳上海也不是好選擇，往後分析城市的時候再跟大分享吧！
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
