【理財個案】讀者幾年前因被公司遣散，後適逢社運及疫情，所以順理成章專心做家庭主婦。手上持股已忍痛蝕走，希望重新部署投資組合及幫18歲兒子月供股票。

理財個案｜阿里巴巴、快手股價高位買入蝕入肉！沽貨走 vs 中長線持有｜龔成教室

理財個案｜讀者來信：家庭主婦手上持股蝕住走 

我其實是你的學生，但我於上年開始follow你的post，從中學到很多投資股票上面或人生的導向的知識，真的獲益良多，希望你介意我稱呼你為老師！我在幾年前因被公司遣散，之後適逢社運之係又疫情，所以順理成章專心做家庭主婦照顧家人。我一向有投資股票的。

過往買的都是垃圾股 

但過往買的真是一些垃圾股，過去的就不再提了，當是一個教訓。 自上年我在fb認識到你。我都買了你的一本著作《股票勝經》 仍在努力中，希望盡快睇完這本再睇第二本。你常常提醒我們「買股票不是買佢的股價，是買佢的企業，若是優質有質素的企業，就算跌市也不用怯」，同時買股票都要有耐性不能心急，要長期不是短視。

港股大跌市後重新審視科技股！港交所、匯豐、煤氣、領展｜邊隻優質藍籌最值博

用了錯誤的方法投資股票

我之前就是中哂這些錯誤的方法。1、2月時幾次大跌市，我手上有（2382.HK，0175.HK，2333.HK，3690.HK），因跌好多，好驚越跌越蝕得多，所以忍痛蝕走。但之後市回返就升返上來。可能你睇到依度都會話我蠢、傻！依家我會時時刻刻都記住你的真言。若是優質的企業就不用怕。

如何分辨股票優質不優質？

sorry！好長篇。想借此機會多謝你。同時有幾點想請教你：

  1. 怎樣知道是股票是優質不優質？
  2. 我現有（3993.HK，0358.HK），是優質股嗎？ （3993.HK） > 6.28 算高位入（0358.HK）> 21.5 算高位入，兩隻可繼續持有嗎？
  3. 另外，想幫我仔（剛成年）月供股票，心目中想供（1810.HK）或（1211.HK），兩者邊隻較適合？但兩者現價又升返上來！同時不知道怎樣月供股票？可否賜教？非常感激！

龔成老師分析︰用過往的數據去分析 

你過往所經歷的，絕對唔係你個人問題。其實很多初階投資者，都會經歷的，係一件平常事。重點係，你有無從中吸取到教訓，之後再重新上路。

  1. 要分析一間企業，有無質素。過程比較複雜，好難三言兩語就講到，就算在我的股票班，都要講數小時。簡單來說，你要考慮企業本身質素、行業發展、財務狀況等，去分析一個結論出來。
  2. 洛陽鉬業（3993.HK）並不是完無質素，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我哋好需要，用過往的數據去分析，同時判斷往後的經營環境，如果過往數據變化太大，會較難分析。另外，這股的股價較為波動，這股不是不能投資，但不宜大注。

江西銅業股份業務 

江西銅業股份（0358.HK）係中國一家綜合性銅生產企業，主要業務範圍為於江西省東北部經營銅采礦、選礦、熔煉與精煉以生產陰極銅、銅杆線及副產品，包括硫精礦、硫酸及電解金和銀以及稀散金屬，如鉬精礦。佢亦會為客戶根據來料提供熔煉和精煉的加工服務。

股王2021｜騰訊股價見52週新低後回升！聶sir薦兩手策略！呢個價可買

盈利較為波動 

就過往的業務情況來分析，這股不過不失，盈利較為波動，反映無乜產品價格自主的能力，長遠企業價值增長只是一般。這股不是劣質，但都不是高質，相信股價長遠未必有明顯上升，只是較普通的企業，投資價值只是一般。這2隻股票，若佔你組合比重不高，可以守。但若果係較高，我建議你沽少少，去平衡個風險。

年青投資 可進取

3. 月供其實好簡單，你去銀行或者證券行開個可月供的投資戶口。你睇下個月供費用，同埋邊個方便你自己，就可以。

你仔仔較年青，投資可以進取少少。你所選的2隻股票，都係適合的。但現時比亞迪（1211.HK）偏貴，要月供的話，只宜小小注。而小米（1810.HK）現價開始月供，係無問題。另外，我建議都加入一些平穏增長力股，在月供組合。因為畢竟潛力股（1810.HK、211.HK）風險都係較高，佔組合比重太多，唔係咁理想。

潛力股和平穏增長股 最好約各佔一半 

你仔仔在潛力股和平穏增長股，最好約各佔一半，就算得上平衡。

動用一半做月供

大市算在合理水平，每月資金唔好盡用，大約可以動用一半做月供。餘下一半就等大跌市出現時，可以用來掃貨。

【按此訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。