讀者來信:Anthony Sir你好!我出來工作已經好幾年,儲了首期,想買樓搬出來住,最近去朋友家玩,佢住村屋,雖然是遠啲,但價錢平好多,地方又大,心思思想買,想又住又賺得嗎?

回覆讀者來信:新手不太建議買村屋 

新手朋友我不太建議買村屋,除非你本身很熟悉!首先從投資(買入)的角度分析…買村屋的難度比一般私樓高,一般私樓,有一定的標準,尤其是屋苑,大部份都是出自大發展商,即使質素有高低,但最少都是眾人目光焦點,難聽點說,差極有限。

單幢樓質素較參差

單幢樓質素比較參差,但最少都是發展商起的,全幢樓戶戶差唔多,就算自己唔識睇,睇吓樓上樓下有冇問題,有冇投訴,大致都掌握到,比較容易睇。相反村屋很多時是私人興建的,每幢都唔同,你係咪真係識睇?

買二手樓程序大解構!由搵樓到收樓10個步驟|中伏位逐個數+預防方法

各處鄉村各處例

再加上各處鄉村各處例,例如之前就試過有村屋出現路權糾紛,買咗樓冇公家路行入去,又試過有丁權、地權爭拗,還有僭建、污水系統等,你係咪識處理?難睇好多,風險較高。

再從投資(賣出)的角度分析…

由於每幢村屋都唔同,相對難有標準去分析,加上位置通常比較偏遠,所以交投會比較疏落。因此銀行未必可以估得足借得足,將來賣樓的時候亦會較難出貨,如果唔熟,不是理想投資。

按揭貸款懶人包2021 點先借到30年還款期按揭!銀行拒批貸款4個因素

再從自住的角度分析…

很多年青朋友都喜歡村屋,住大啲、住平啲,很多時候仲會有泊車位,可以過過駕駛癮。賬面成本確實比較平,例如標準村屋是每層700呎,例如15000可以租到,差不多質素的單位,九龍區大約要18000,表面上平一截,實際上係咪爭咁遠?

住村屋要計埋交通費成本

之前有朋友搬到新界北村屋,在火車站還要再轉小巴,每天到尖沙咀上班,來回車費要5~60元,小巴比較早收,玩夜咗或者OT夜咗要搭的士,每程300元!平均每月交通費近3000元,如果搬到尖沙咀附近的舊樓,例如佐敦、油麻地,每程車只需幾元,早啲出門口行路返工都仲得,計落成本其實差唔多。

經不同地產代理睇樓-同一單位樓價不同!揭開香港買樓真面目|第一桶金

村屋包車位好開心?

朋友喜歡駕駛,最初見村屋包車位好開心,可以開車到處去,市區租個車位隨時要3~4000元,但後來又發現原來唔係爭咁遠!因為開車出市區的油錢、路費等,來回一次超過100元,在公司附近搵位泊仲貴,日泊要150元。於是變了Sunday Driver!

時間...才是損失最大

實際支出其實慳不了多少,時間…才是損失最大的!早起返工已經夠攰,每天上班來回交通要兩小時,返工放工繁忙時間人又多,搭港鐵往往冇位座要硬企,成身散晒。就算可以開車都唔好受,因為早起冇精神,仲要塞成個鐘車,也是受罪。

情願貴少少住公司附近 

筆者剛剛相反,情願貴少少都住公司附近,近到可以走路上班,分享自己的想法,如果可以將每天兩小時交通省下來,將精神體力省下來,傾吓秘撈搵吓錢,再唔係瞓多覺,唔係仲好咩?

買樓投資要進可攻退可守

年青人喜歡自由、大自然生活無可厚非,去人哋屋企玩總是開心過癮的,但要自己每天來回則不容易,所以我建議,如果你真係想試試,可以租住先,試一年半載睇睇慣唔慣。買樓則可以買一些位置靚的、熱門的投資,進可攻退可守。

按此訂閱《香港財經時報》HKBT 新聞快訊

作者簡介:作者為1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。