讀者來信:Anthony Sir你好!想問問香港樓值得長線持有嗎?我唔係好識投資,之前我買股票投資為主,諗住揀優質股長線持有唔使煩,但係好多都輸錢,好似匯豐咁,心想不如買樓,好嗎?

回覆讀者來信:不再相信長線價值投資法 

我已經不再相信長線價值投資法了!股市如是,樓市如是!過去十多年我已甚少買股票,不過有時朋友聚會聊天都會講起,不少股票當年是公認的優質股,時而世易,風光不再,就以持貨十年為例,如果你持有匯豐、中人壽,Sorry,輸錢!

龍頭地產股冇錢賺 

龍頭地產股,如長和、新地,唔好意思,都冇錢賺,如果入貨價唔靚甚至要輸少少,公用股好少少,例如中電、煤氣都有賺,但唔多。有些朋友買科技股,有啲賺得幾勁,例如騰訊、比亞迪等,升了十倍、廿倍,甚至更多。問朋友為甚麼那麼有決心持貨十多年,買騰訊的朋友說,自己都估唔到科技會發展到這個境界。

真正的投資者都不期望樓價不斷升!香港樓市的3個癥結!業主租客都要知|第一桶金

純粹覺得科技是主流 

當年鬼估到街市買菜都要微信支付咩,純粹覺得科技是主流而已。買比亞迪的朋友說,當年鬼估到電動車會取代燃油車咩,見Telsa年年蝕錢其實都驚,之前十年股價一直上上落落。

  • 一來又未輸錢
  • 二來又信畢菲特
  • 三來又唔係好得閒睇股票懶得換來換去,幾乎都唔記得咗,咪一直楂到而家囉,好彩咋!

股市樓市 長升長有的年代已過去

有趣!所以嘛,長線價值投資,能賺錢的資產其實不多。過去十年有科技龍頭護航,其他的很多都冇錢賺,甚至輸錢!那麼,買樓呢?…長線價值投資亦不適用了!

香港樓嘛,長升長有的年代已經過去!

高成數按揭攻略 上車買按揭保險懶人包 申請程序+保費+壓力測試全面睇

按揭還款期平均27.42年 香港樓市3個現像 負利率下樓價走勢最新預測 置業前必知

一)樓價實在太高

記得我第一間買的港島西單位,2005買入價是106萬,一個港島區的小屋苑380多呎而已,十多年後到我賣出的時候已經升到接近600萬,升了好幾倍,朋友問我為甚麼賣,難道再持貨十年,可以再升幾倍嗎?再升多幾倍豈不是要幾千萬?

二)政策影響太大

過去十多年,不同Section的樓價跟着政策走,當年推出SSD鎖死供應,高成數按揭控制在400/600萬,細價樓遠遠跑贏大市!近年推出15%從價印花稅、林鄭Plan,令到中價樓跑出,當年備受市場追捧的細價樓、市區舊樓,由天堂掉落凡間。

香港樓的投資策略

加上每人限購一伙,長線持有其實回報不高。所以,香港樓的投資策略,應該是要不斷換貨!然後,跳出Comfort Zone,繼續倍增資產,所以近年我們除了買住宅,亦會投資工商,會收購重建,會買大陸樓,如果不跳出框框,長線持有一層樓,賺得幾多?跟長線價值投資說再見吧!

按此訂閱《香港財經時報》HKBT 新聞快訊

作者簡介:1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。