理財個案】31歲女無存款屬月光族、無家庭負擔,但欠卡數2萬。疫情下由月入25K變成15K,自覺人生失敗,想靠學投資增積蓄自救。

理財個案|33歲學校合約文員月入萬幾、每次續約加幾百!想全職投資點做好|龔成教室

理財個案|讀者來信:31歲女欠卡數2萬 

龔老師,你好。本人31歲,月入15,000元。月光族。手上無存款,年供2萬元儲蓄,月供1,100元人壽醫療。卡數負2萬元。無家庭負擔,每月俾3,000元家用。自己搬出來跟男友同住5年,算普通生活不用負擔。本身十分在意外表,定期會做facial,已經維持13年。戶口一有錢就會一筆過買treatment &美容針。每月平均有2,000元在護膚品。

疫情下月入25K變15K 自覺失敗

近期開始留意老師專頁,覺得自己真係井地蛙,原來大家都可以咁有錢。希望以後可以開始投資,但無方向,唔知老師有無好介紹。雖然有睇到有相似個案分享,但大家都有積蓄... 我一無所有,所以好迷茫。原本有2萬5工作,因為疫情辭退之後,只能搵返1萬5,覺得自己30歲人好失敗。

想開投資戶口學投資

  • 想問下開股票戶口?
  • 我應該開邊間?
  • 本身自己只有匯豐出糧戶口,但朋友分享話citi bank股票戶口比較好?

龔成老師分析︰不利環境激發潛能 

現時礙於大環境欠佳,其實好多事情都未必可以控制得到。但相信長線,疫情會過去,生活與工作都會慢慢重回正軌。現時艱苦,只係一時,唔好氣餒。而且,有時這些不利的環境,反而可以激發我哋的潛能,造就你的成功。

定期做投資增值 

其實,要做財富增值,唔一定係本身好高人工,或者已有一大筆資金,才可以做到好效果。其實只要你每月有一筆閒錢,可以定期做投資增值,已經係可以。因為你尚算年青,能進行資產增值時間較長,複息效果會較佳。

以5年作目標

只要你好好把握時間,努力學習正確投資方法,和每月努力儲錢,相信都可以做到不錯效果。只要你這刻努力,做好理財,定目標,好肯定你過5年後,會比過半同齡人的財富更加多!

理財個案|30歲一家三口!生意結業零收入、有2層樓1車位!想靠資產創收入|龔成教室

銀行或證券行都可開投資戶口 

投資戶口,你可以係銀行或證券行開都得,只要費用合理,又方便你自己,咁就可以。你現時還很年輕,儲蓄保險這類產品,不建議持有太多。雖然風險較細,但增長力不高,會拖慢你財富增值步伐,你要自己平衡下。另外,你要想方法,令自己每月能空出一筆資金,作投資增值之用。

建議用「平穏增長股」 + 「潛力股」組合 

你可以考慮做兼職、做網上小生意,去增加收入。同時間,要睇翻日常生活,有無乜野不必要開支,係可以減少。到你每月都可以空出一筆資金,就可以進行月供股票,去為自己財富增值。你31歲,建議你用「平穏增長股」 + 「潛力股」的組合。

先用5成儲蓄做月供 

現在你每月先用5成儲蓄做月供。其餘先儲起,用一邊月供一邊儲蓄的策略。至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。

按此訂閱《香港財經時報》HKBT 新聞快訊】 

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。