理財個案】 33歲學校合約文員月入萬幾元、每次續約加幾百元!返工地點近、時間穩定是優點,但長遠想全職投資達財務自由,應該點做?

理財個案|唔投機、唔賭博!想做中低風險投資但怕「龐氏騙局」要點做|龔成教室

理財個案|讀者來信:想全職投資點做好

龔sir,我有些關於前途的問題想問,我現年33歲,現職學校合約文員,月薪萬幾,每次續約會多幾百元的升幅,這份工的優點是返工地點近屋企,而且放工時間準時和放得早,但近日經過思考後我的目標是將來想財務自由,有自住樓,成為全職投資者,那麼我是否應為了得到穩定收入而投考政府文職公務員,如果想成為全職投資者條路應怎樣走?

謝謝老師答覆

龔成老師分析︰大前題係你要有資金

我哋可以透過投資和累積優質資產,去達至財富自由目標。但大前題係你要有資金,最少每個月都可以有一筆閒錢,可以用作投資增值。若你已經有個明確目標,係想做到財務自由,而現有工作收入又較難做到,你就時候作出改變,努力去提升自己收入,為財富增值創造基本條件。

月供優質股累積財富

到你每月有一定閒錢,就可以開月供優質股,去累積財富。之後,到有一定資金,就可以加入物業類。當資金累積到足夠數量,你就可以換成收息資產,去創造現金流,支援財務自由生活。而要做到全職投資者,投資對你而言,不單要係興趣,而且更要成為你強項。

全職投資者的基本條件

若你現時對投資無乜了解,你就要先由一個「基本知識投資者」,慢慢開始提升自己。你要花大量時間,努力去看相關書籍、睇年報聞、睇新聞、上課程,去學習如何分析一隻股票。到你累積到分析50間企業和長期實戰經驗,你就可以變成一個「有實力的投資者」,以算有做全職投資者的基本條件。

理財個案|嫌阿里巴巴近況普通想換騰訊、無膽買Bitcoin考慮購入呢隻股求意見|龔成教室

「真正專業投資者」

但要突破至最高層次的「真正專業投資者」,已經不單是投資知識的問題,因為要突破,就要擁有很強的分析力、很強的眼光、很強的心理質素。這些要更長時去磨鍊,才會做到。

按此訂閱《香港財經時報》HKBT 新聞快訊

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。