理財個案】讀者想做中低風險投資,但不信坊間財經資訊及新聞,怕「龐氏騙局」!想由頭開始學正確嘅投資方法,應該預幾多本金慢慢累積呢?

理財個案|30歲一家三口!生意結業零收入、有2層樓1車位!想靠資產創收入|龔成教室

理財個案|讀者來信:想做中低風險投資 

你好,睇咗你個page好耐,本人一路想做中低風險投資,只係未開始落手做,因為我知道好大部份財經資訊同新聞都唔係真係教人投資令讀者得到回報同被動收入,而係好似龐氏騙局咁,呢個觀察令我大學揀商科都選擇咗Marketing and PR,冇揀Banking and Finance,到而家我都係做嘢然後儲錢,冇投資過。

怕「龐氏騙局」想學正確投資方法 

我想由頭開始學正確嘅投資方法,唔係投機或者賭博,我唔想做個啲無基礎知識扮識個類人,請問我可以點做?

如果係咁,我Minimum應該預幾多本金慢慢累積呢?

多謝你睇我個msg!期待回覆。

理財個案|39歲月入29K、打算用退休公務員外父名義買第3個物業收租|龔成教室

龔成老師分析︰要分清「價值」的概念 

你要分清甚麼是「龐氏騙局」,原理就是一個無任何經濟價值的項目,只利用新加入的投資者資金,令初期投資者得益,以這模式一支滾存。但如果一間企業,本身有實體價值,對社會有長期正面影響,就不是騙局,你要分清「價值」的概念。

投資絕對唔應該係賭博 

其實,坊間你會接受到好多投資資訊,但並不是全部有用。你要學識分辨那些「有用的客觀資訊」和「主觀的個人意見」。前者係一些你值得參考的資訊,後者對你係無任何意義。

投資絕對唔應該係賭博,因此你需要有相關知識和經驗,去助你判斷每個投資機會。所以,你係投資前,一定要增進投資知識。

理財個案|嫌阿里巴巴近況普通想換騰訊、無膽買Bitcoin考慮購入呢隻股求意見|龔成教室

香港9成散戶 投資股票輸多贏少

我自己會看好多有關投資、理財、股票、成功、激勵、心靈、致富等各方面的書。我一開始,對投資一無所知,當開始睇,就發現自己過住的投資方法都是錯,更發現坊間的所謂「專家」、散戶,投資方法都是錯!之後,我開始明白點解香港有9成散戶,投資股票都是輸多贏少,因為佢哋無知識!

真正的投資道理 

當我愈睇書,就愈明白真正的投資道理,同時自己的投資實力大升。由多年前輸多贏少,到現時贏多輸少。唔少散戶,可能憑短期市況好而獲利,但如果要做長勝將軍,就只有靠知識。巴菲特的閱讀就更多,他多年來,絕對不是「睇住個市」,而是不斷睇書增加知識,睇年報了解企業。

投資初學者書籍推介

我最初睇得好廣泛,到後來會睇較多「分析企業」、「價值投資法」、「巴菲特」類的書。

以下是我認為適合初學者睇的書,部分要到圖書館找的:

  • 《我十一歲,就很有錢》
  • 《經濟蕭條中,七年賺$1500萬》
  • 《富爸爸,窮爸爸》
  • 《思考致富聖經》
  • 《秘密》
  • 《財富金鑰匙》
  • 《有錢人想的和你不一樣》
  • 《世界上最偉大的成功寶典》
  • 《洛克菲勒寫給兒子的38封信》
  • 《解讀巴菲特》
  • 《巴菲特傳-永恆的價值》
  • 《勝券在握》
  • 《智慧型股票投資人》
  • 《非常潛力股》
  • 《彼得林區的選股戰略》
  • 《誰搬走了我的乳酪?》
  • 《人性的弱點》

同時間,你都可以睇我的《80後百萬富翁》、《財務自由行》和《股票勝經》,都適合初學者。

宜用月供股票 做財富增值 

至於開始投資,你唔需要預好多本金。其實只要每月有一定閒錢,就可以用月供股票,去做財富增值。我哋投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。

「平穏增長股」 + 「潛力股」組合

若你係偏年青,應以增值為主,建議你用「平穏增長股」 + 「潛力股」作組合,去創造一個增值平台。現在你每月先用5成儲蓄做月供。其餘先儲起,用一邊月供一邊儲蓄的策略。由於你投資知識不高,因此可較集中ETF。到你有一定知識,對這些股票又有一定了解,才考慮加入其他股票,咁會較好。

至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。

按此訂閱《香港財經時報》HKBT 新聞快訊

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。