親子好去處2021| 暑假將至,又係動畫上映嘅好時機,今年暑假彼思新電影《盛夏友情天》上映,再加上係彼思動畫35周年大日子,海港城與迪士尼及彼思再度合作,舉辦香港首個Pixar Fest;而香港科學館於7月亦會舉行彼思動畫的科學秘密,家長同小朋友有排玩。

海港城設Pixar特別場景 

海港城精選12齣迪士尼與彼思電影,包括《反斗奇兵4》、《怪獸大學》、《海底奇兵2》及《靈魂奇遇記》等,即日起至8月15日,於商場不同地方設置特別場景,與大家回顧彼思動畫所製作的電影與短片,重溫當中所傳遞的重要價值,如「歷險」、「友情」等,重拾情懷,打卡位多到講唔晒,大家慢慢行晒成個場就可以睇晒咁多個場景。

Pixar Ball and Lamp

今次嘅活動,除咗有大家最喜愛嘅打卡位之外,極具代表性、與位於美國總部同大的Pixar Ball and Lamp也首次在香港亮相,更會透過互動活動,包括AR拍照、網上遊戲等、由實景到虛擬,等大家感受唔同動畫電影嘅經典場面。

親子好去處2021-暑假-彼思活動-海港城-科學館-展覽-香港財經時報HKBT-香港財經時報-HKBT
圖片:作者提供
親子好去處2021|暑假兩大彼思活動!海港城打卡、再去科學館睇展覽

瘋狂同阿愁合照

深媽喺咁多套電影入面最深刻係近年睇嘅《玩轉腦朋友》,因為阿愁實在太可愛,好想瘋狂同阿愁合照,喺港威商場地下就設有電影場景,有阿樂阿愁兩大主角,以及戲中腦部運作嘅控制台,鍾意呢套卡通嘅大小朋友一定唔會錯過!

逾4米及3米高的胡迪和巴斯光年 

另一套就係横跨多年嘅《反斗奇兵》,主角胡迪和巴斯光年則分別以逾4米及3米高的姿態於商場中庭出現,帶大家『一飛沖天』!而《怪獸大學》嘅毛毛同米高華素基都係各位彼思迷唔會唔識嘅人物,深媽同深爸第一套睇嘅都係呢套動畫呀,好令人懷念呀!

親子好去處2021|「博物館通行證」100元家庭證4人全年任玩各大展館|深媽實道

本港首個海岸公園遊客中心正式啟用!VR+AR「潛入海底」睇海洋生物

5個場景任打卡

講完打卡位之後,各位更可以於其中5個場景,包括:

  1. 《海底奇兵2》
  2. 《超人特工隊2》
  3. 《怪獸大學》
  4. 《反斗奇兵4》
  5. 《沖天救兵》

透過擴增實境 (AR) 技術與不同角色互動。

網上預約欣賞彼思精選動畫

另外,亦可以透過網上預約欣賞彼思精選動畫,包括多套短片、《五星級大鼠》及《太空奇兵·威E》的精彩片段,帶你遊覽浪漫巴黎再去見識未來太空,讓你享受彼思動畫為你帶來的無限創意及精彩歷險。

登記網址:https://www.klook.com/zh-HK/activity/58622

除咗商場之外,另一個令人期待嘅彼思活動,應該就係7月喺香港科學館舉行嘅彼思動畫的科學秘密展覽。

親子好去處2021-暑假-彼思活動-海港城-科學館-展覽-香港財經時報HKBT-香港財經時報-HKBT
圖片:作者提供
親子好去處2021|暑假兩大彼思活動!海港城打卡、再去科學館睇展覽

認識彼思動畫的製作流程

今次展覽由波士頓科學博物館與彼思動畫製作室共同策劃製作,帶你探索神秘的電影製作過程,俾大家由欣賞角度轉為科學角度,認識彼思動畫的製作流程,了解這些電影如何巧妙地融合而家最流興嘅STEAM概念,創造出你在銀幕上欣賞到的生動角色和逼真的場面。

實體互動展品

展覽展出50多組有趣和吸引的互動展品,分為八個組別,分別介紹彼思動畫製作的技術程序。除了資訊豐富和富啟發性的影片之外,還包括多項電腦及實體互動展品,讓你仿如身歷其境般深入了解每個幕後程序,體驗製作流程中的不同崗位。

探討虛擬骨骼的基本概念

例如在建構模型區,你可嘗試根據美術師的草圖來創建出一個數碼雕塑模型。建立骨架結構區的展品探討虛擬骨骼的基本概念,並展示動畫師如何幫角色擺出不同的姿勢。在布景與攝影區中,你將學到如何控制攝影機,以模擬出《蟲蟲特工隊》裏昆蟲眼中的世界。

網上預約展覽參觀日子和時段 

另外,不要錯過與你最喜愛的彼思電影角色,包括巴斯光年、多莉等,合照留念!

大家記得呢個展覽須先行在網上預約參觀日子和時段。預約詳情和購票安排稍後公布。

作者簡介:深媽是一名雙職媽媽,曾任職傳媒行業,做過副刊親子、教育、家居、健康、寵物版記者,現時日頭是專業Digital Marketing人,放工返到屋企即變身成「湊仔戰士」,同屋企一隻即將4歲的跳跳紮兒子搏鬥。攰,但相信不少媽媽都同我一樣樂在其中!

免責聲明:本網頁所有專欄作者的觀點,不代表本媒體立場。