【理財個案】近日比特幣走勢回勇，有讀者表示對Bitcoin信心不算大，但認為區塊鏈技術未來會普及，睇好比特幣相關股份！想5隻中揀1隻最有潛力大注購入。
理財個案｜嫌阿里巴巴近況普通想換騰訊、無膽買Bitcoin考慮購入呢隻股求意見｜龔成教室
理財個案｜讀者來信：
老師，我呢排睇好多同比特幣有關聯既股份。雖然本人對比特幣信心唔係去到好大，但我覺得區塊鏈技術係未來好大機會普及。你覺得栢能集團（1263.HK），火幣科技（1611.HK），BC 科技（0863.HK），歐科雲鏈（1499.HK） ，雄岸科技（1647.HK） 邊隻最有潛力，同埋現時可大注嗎？
另外想問你點睇美股隻SOS同CAN？
龔成老師分析︰認真研究企業細節和質素
無錯，區塊鏈技術係將來，預期會日漸普及。而比特幣，是利用區塊鏈的其中一項產物。
至於比特幣相關股份，如果你要投資，建議你要認真研究企業細節和質素。唔好因為好比特幣，或者見比特幣走勢好，就去入貨。
不建議大注 要衡量風險
栢能集團（1263.HK），火幣科技（1611.HK）、BC 科技（0863.HK）都係有風險，有回報的類別。投資這類股係可以，但估值唔易，只能說，投資時一定要控制好注碼。
歐科雲鏈（1499.HK）無特別研究，佢屬較高風險類，要睇下你博唔博。過往持續虧損，見佢股價上落好大。只可以話，唔建議大注，自己衡量風險。
雄岸科技規模細
雄岸科技（1647.HK ）主要於新加坡從事提供綜合樓宇服務，當中專注於維修及安裝機電系統，以及提供建築及建造工程服務。
此股規模細，賺錢能力唔算好強。在2020/03年度，核數師意見係「無保留意見（修定報告）」。雖然唔代表盤數一定有問題，但我自己保守啲，會對佢有所保留。
理財個案｜43歲夫婦供緊樓！曾貪快寧蝕錢急沽股票、現想重新部署組合｜龔成教室
SOS投資價值一般
Sos Ltd（SOS）主要業務是提供消費信貸業務，和緊急救援服務業務的控股公司。初步睇，佢企業規模唔算好大，生意額都唔算十分高。加上業務性質，會令佢收入較波動。過去幾年，一直都在虧損狀態。暫時所見，投資價值一般。如果你有研究，覺得佢有潛力，可投資。但只宜小注，以控制風險。
CAN暫不建議投資
Canaan Inc（CAN）通過專有的高性能計算專用集成電路提供超級計算解決方案。公司為客戶提供整體人工智能解決方案，包括人工智能芯片、算法開發和優化、硬件模塊、最終產品和軟件服務。
我未研究此股，粗略睇此股市值不高，近年生意有下滑情況，近年更轉盈為虧。這是短期問題，還是集團技術已經追不上大環境，要再觀察。
暫時不建議投資，最好再觀察一下發展，才作決定會較安全。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
