【親子好去處2021】今年夏天真係特別熱，去室外地方都好似會抖唔到氣咁，所以特別推介康文署嘅各大博物館，有冷氣全天候開放，又可以欣賞唔同展覽，大人同小朋友都啱玩。
「博物館通行證」家庭證只須100元
年票其實就係「博物館通行證」，未生小朋友之前，都有買過呢款通行證，因為好抵，成人只需$50/年，優惠票$25/年，就可以喺有效期內可無限次參觀康樂及文化事務署（康文署）轄下博物館的常設及專題展覽，如果買家庭通行證，就只需$100/年，已經可以供四人使用，一個家庭一年內無限次去睇展覽，真正博物館任我行。
家庭年票4人一年任玩各大展館
通行證可以使用嘅展館包括：
- 香港歷史博物館
- 香港文化博物館
- 香港藝術館
- 香港海防博物館
- 孫中山紀念館
- 香港科學館
- 香港太空館
香港太空館 了解展覽是甚麼
剛過去嘅週末我哋就去咗香港太空館，今次我哋就無買通行證，因為第一次去就俾深深感受咗行展覽係咩一回事先。
親子好去處2021｜「香港藝術節@大館」期間限定6個特備藝術體驗節目
本港首個海岸公園遊客中心正式啟用！VR＋AR「潛入海底」睇海洋生物
互動設施增小朋友太空知識
喺防疫期間香港太空館都需要大家留底資料或者使用安心出行，都係好事嚟嘅，因為參觀嘅人都為數不少，萬一真係有事都可以聯絡返入場人事。一入到太空館，上層展覽排隊去到樓梯位置，所以我哋先由下層入手。
太陽、地球、星宿主題
下層主要內容關於太陽、地球、星宿等主題，入面有俾小朋友可以用眼看、手觸的設施，從中讓他們學習，亦有互動遊戲小朋友可以試玩宇宙滑浪。最後，亦可以看短片宇宙大爆炸，這個小劇場可以加深小朋友對宇宙的認知。
親子好去處｜沙田大型商場免費跳彈床！親子友善設施有得玩又有得借閱故事書｜深媽實道
火箭升空、太空探索
上層的展覽內容，則以火箭升空、太空探索為主題，展品有太空人在火星留影的模型，不同形狀火箭及穿梭機模型，同時亦有互動裝置讓孩子體驗反作用力，亦有一個比較有趣的影相位，可以讓大家體驗太空人在太空艙的滋味，躺下來拍照，現場見不少人都有興趣試。
值得推介的親子活動
總括而言，深媽第一次在香港太空館重整之後參觀，現場見到有一部份仍然在工程中，但兩層的展覽都可以消磨一點時間，又可以對太空加深一點認識，算是不錯的親子活動。最後提提大家，原來香港科學館7月會舉行「彼思動畫的科學秘密」展覽，想參觀的話不妨買通行證，一次過睇晒香港各大博物館。
作者簡介：深媽是一名雙職媽媽，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！
免責聲明：本網頁所有專欄作者的觀點，不代表本媒體立場。
