理財個案】讀者從事美容行業,老公沒有固定工作,兩公婆收入扣除開支每月可儲1萬元,懷孕後因想在生活上有所改變,考慮賣出結婚金器套現投資股票增值。

理財個案|讀者來信:老婆做美容、老公冇固定工作 

你好老師!我同我老公一直都冇乜點儲錢, 直到睇到您嘅專頁,同埋依家有左個小朋友,真係想改變、可以比一啲好嘅生活小朋友及自己。我本身從事美容行業,老公就冇固定工作既,兩公婆收入扣除開支,大約每月可以儲到$10,000。

想賣結婚金器套現投資股票

對投資黎講係新手,唔知點樣做? 希望老師可以俾啲建議。

  1. 結婚時買咗一堆飾金,大約8-10両(當時$13xxx / 両),依家想賣咗佢套現資金去投資股票,好唔好呢?
  2. 之前買落一份基金,大約今年8月就可以拎返,暫時價值15萬左右,應該點樣做好呢?

感謝

理財個案|31歲失業女炒股勁賺想日贏1,000元!目標買多層樓收租求策略|龔成教室

理財個案|31歲月入4萬準備結婚!得130萬存款可買多一層物業收租嗎|龔成教室

龔成老師分析︰黃金沒有現金流 

1) 黃金沒有現金流,持有無法創造出經濟價值,其主要作用是對沖黑天鵝事件。你可以投資黃金,但不用佔財富比例太多(<3%),而且持有的應該為實金。但由於這些飾金係結婚時用品,若佢對你地有金錢以外的意義,你係可以另作考量。

運用「先增值,後現金流」方法 

進行人生財富累積時,我哋會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。

投資策略建議 

例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。策略上,你地可以投資「平穏增長股」和「潛力股」。你每月用5成儲蓄,即$5000做月供。其餘先儲起,用一邊月供一邊儲蓄的策略。

潛力股宜小注約本金30%

但你現時投資知識不高,可先較集中在平穩增長類股。至於潛力股,只宜小小注(約3成),最好是你提高投資知識,等你有一定知識,先慢慢增加翻潛力股比例。餘下現金就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。

另外,你先生收入較不穏定。我建議你在投資前,先儲起半年基本生活開支的應急錢,才開始增值計劃,咁會較為穏當。

贖回基金後的15萬 投資優質股 

2) 贖回基金後的15萬,都可以投資在上述優質股。當然,可以睇翻你持有的基金,本身有無質素,如果有質素,有機會值得持有,當然要睇佢的條款。你可以衡量基金的投資策略,所投資的資產類別、投資策略、風險程度、市場,以及過往的表現(可以睇佢過往5-10年,如果回報比主要投資市場高,有機會值得繼續進行)。

現時大市只係合理水平,你可以先用7、8萬,以分注形式入貨。餘下資金,就等大跌市出現,才加大力度掃貨。

按此訂閱《香港財經時報》HKBT 新聞快訊

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。