【理財個案】年輕人買股票易犯錯，今次兩個投資失利個案分別為25歲玩美股2晚輸18萬及18歲炒500倍槓桿外匯輸100萬，龔成解構兩個後生仔個案輸爆廠原因。
理財個案｜買股票賺到6萬！貪心用60萬在美團股價436.8元入貨越等越跌｜龔成教室
理財個案1｜讀者來信：玩美股一跌就20%
龔Sir本人25歲 ，好辛苦儲到50萬，最近學人玩美股，新能源車一開頭賺得好開心。但佢一跌就20%，2晚唔見咗18萬，好唔開心，辛苦儲嘅錢冇哂，宜家只想回本。
龔成老師分析︰出現回調唔奇
就算再優質企業，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我哋唔需要理會，長線持有就可以。新能車最近都在熱炒，好多相關股票都已經係貴，出現回調係唔奇。重點係你要睇自己投資的股票，企業係唔係真係有質素、行業發展如何、財務狀況是否健全等，再去決定是否值得長線持有。
散戶停留在「賺差價」
另外，你唔好再同一般的散戶一樣，停留在「賺差價」，你要用「建立長遠的組合、財富配置」，去進行投資。如果你同其他散戶投資方法一樣，永遠都唔會賺到錢。
理財個案｜31歲失業女炒股勁賺想日贏1,000元！目標買多層樓收租求策略｜龔成教室
理財個案｜去年畢業現月入2萬！收入6成用作儲蓄、現有4萬本想學投資｜龔成教室
理財個案2｜讀者來信：炒500倍槓桿外匯輸100萬
2020年10月啱啱20歲，英國Swansea大學Y1，早兩年18歲開始就有睇股票但係最後去咗炒外匯，因為可以有500倍leverege唔駛太大本金， 一開始賺咗20萬，之後試過兩次13萬，但係到而加輸咗接近1球，想盡快收復失地。
- 有冇可能30歲金做到financial freedom？
- 而加現金有5萬，而家其實應該要點做？
龔成老師分析：槓杆投資結果只有一個
首先，唔好再做這類槓杆投資行為，我過往從事過孖展投資經紀，見證大量客戶投資成績，他們大部分的結果只有一個，就是輸錢！
- 第一，你要大量學習正確的投資知識，你可以睇（股票勝經》
- 第二，你心態上唔好太急想「追翻輸的數」，要理性投資，令財富穩步累積。
應「先增值，後現金流」
當我哋進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。例如初期投資較有潛力的股票，令財富較快增值。
宜用10年時間集中「增值」
當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。你利用10年時間，集中「增值」，只要努力儲蓄、投資，要做到財務自由都有可能的。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
