【理財個案】33歲已婚讀者有一名3歲女兒，與先生同齡並各自月入17K。兩年前用H按買樓，現月供1萬元，一家3口自住。現月有70萬儲蓄想買多層樓收租，為將來退休後可每月有糧出，達到財務更自由。
理財個案｜讀者來信：33歲夫婦想買多層樓收租退休
龔成老師你好，我一直有拜讀你在經濟一週的文章，有問題想請老師幫忙解答，謝謝。我今年33歲，已結婚，先生與我同齡，有一名3歲女兒，收入大概是$17,000，先生收入都係一樣。早兩年買樓，40年樓齡的細兩房單位自住，儲蓄和先生一共有$70萬元左右，唔識投資股票，都係現金係晒銀行的高息戶口，每月約有$700利息收入。
H按買樓月供1萬 另有兩份儲蓄保險
另外有一份儲蓄保險已供滿可拎22萬，唔拎都可以繼續滾存利息。另外仲有一份供緊既儲蓄保險，餘10年期，到期可拎20萬左右。負債方面，仲有$268萬樓按，自住樓大約值$380-400萬。支出方面，供樓是H按，暫時每月是$10,000，家中有請工人姐姐。
理財個案｜27歲未結婚無樓月入5萬！有23萬現金15萬股票想3年儲100萬｜龔成教室
理財個案｜30歲月入14萬、養家開支9萬！換樓再買英國二手樓收租 想10年後財務自由｜龔成教室
有70萬本想買多層樓收租退休
每月大約是$4,700，先生一般支出是$3,000，自己大約是$2,000，家庭開支是$4,000，另外保險各樣加起大來大約$3,500，每月大約有$6-7,000可儲蓄。
本人與先生都有同一想法，多買一層樓收租，已致退休後可每月有糧出，達到財務更自由。
想要低風險的投資
- 問題1：請問老師我們應否先將現有70萬還比銀行減低負債，再慢慢儲返一筆錢再置業？
- 問題2：請問老師，如果我唔將錢放係銀行，有甚麼低風險的投資是適合本人呢類完全唔識投資的人？因為就算放在銀行高息戶口大約都是年利率1.2-1.4%左右，會不會有更好的投資方式以獲取更佳的回報？
龔成老師分析：唔建議太急買第2層樓
1）以現時的收入及現金情況，暫時唔建議太急買第2層樓。你可以視這個為方向，但就唔好太急去行這一步，因為比較進取。等日後有足夠的資金先進行。至於銀行的$70萬，其實唔需要太急還錢，因為現時利息低，至於還錢，不如將錢投資，只要能爭取到比按揭更高的回報，策略就成功。
用30萬建立收息股組合
2）以你哋年齡，其實可投資平穩增長股，不過如果你地擔心有收息，就投資收息股，風險會低啲（當然，投資，就點都會有風險）。
你可以用$30萬，建立一個收息股的組合，目標是5%、6%的股息率的收息股，例如港燈（2638.HK）、深高速（0548.HK）、香港電訊（6823.HK）、工行（1398.HK）、恒生（0011.HK）、置富（0778.HK）、陽光（0435.HK）、高息基金（3110.HK）都可以。投資時要分注。
先盡力儲蓄＋投資 滾存資金
同時，增加股票知識，之後先再動用餘下的資金。
你這刻要盡力儲蓄、投資，到滾存至一定資金，到時先考慮投資第2層物業。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
