理財個案】23歲讀者正於台灣讀書,係台灣冇打工,可動用現金有5.8萬港元、12萬台幣及6千美元,另大部分儲蓄已購入3隻股票,考慮沽出求教龔成投資意見。

理財個案|讀者來信:23歲正於台灣讀書 

龔Sir,你好,我今年23歲,依家係台灣讀書,係台灣冇打工,扣埋今年學費同生活費,可動用現金有:

  • hkd58,000
  • twd120,000
  • usd6,000

讀書前在香港打工賺了的錢,大部分錢買入以下股票:

(0405.HK)越秀

  • $5.13有10000股
  • $5.20 有20000 股
  • 回本 : $4.7436

(0536.HK)貿易通 (發牌至2024年)

  • $1.15有20,000股
  • $1.24有20,000股
  • $1.23有20,000股
  • 回本 : $1.075

(1503.HK)招商房託

  • $3.28有27,000股
  • 回本 : $3.1932

對中國發展信心不大 

由於對中國發展信心不大,所以想係回本價時放售,選擇其他股票/甚至買台灣股票,所以想問龔 Sir 會有什麼睇法 & 建議?

  1. 以上股票可以繼續持有,定放售? 如果要放,又以咩價位放?
  2. 投資組合應該包括咩股票,同要用咩方法/價位入貨?
  3. 選擇優質股方法?
  4. 打算買台股,會有建議的股票嗎? 或者揀股方法?

感謝龔 Sir!

龔成老師分析︰3隻股票收息 增長力不高

1) 你持有的3隻股票都有質素,但主要係收息,增長力不高。當我哋進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。

因此年輕的你,應先做好增值,去累積一筆財富,而非著重收息。所以,這3隻股不太適合你。

初學者建議先用月供

2) + 3) 定「股價平貴」和「選優質股」,其實係一個較深的課題。我在股票班,都要花上好幾小時去說明。簡單而言,就是透過分析企業質素、行業發展、財務狀況等,去得出是否有投資價值和合理價值範圍。作為初學者,我建議你先用月供去做。因為月供,可以平衡倒你買貴貨架風險。

宜每月用5成儲蓄月供股票

策略上,你可以投資「平穏增長股」和「潛力股」。你先用每月5成儲蓄做月供,其餘先儲起,用一邊月供一邊儲蓄的策略。

選股上可投資平穏增長股︰

盈富(2800.HK)、金沙(1928.HK)、恆基(0012.HK)、平安(2318.HK)、中銀(2388.HK)、港鐵(0066.HK)、煤氣(0003.HK)、長建(1038.HK)、粵海(0270.HK)、領展(0823.HK)。

增長力較強可選:

安碩恒生科技(3067.HK)、阿里(9988.HK)、騰訊(0700.HK)、港交所(0388.HK)、舜宇光學(2382.HK)、小米(1810.HK)、中生製藥(1177.HK)、福壽園(1448.HK)。但波動性和風險會較高,你要自己平衡。

餘下的另一半現金,我地就等機會,當大市出現較大回調,就加大力度掃貨,然後作長線投資。

對台股無深入研究 無法給具體意見 

4) 其實選擇優質股方法,在台股都適用。但我自己對台股,無深入研究,無法給你具體意見。

你可以從股票質素、增長潛力、行業發展、財務狀況等因素,去試分析這些台股,是否有投資價值。

按此訂閱《香港財經時報》HKBT 新聞快訊