【理財個案】讀者指有朋友未買過股票，但對美股有少少研究，深明長揸現金只會不斷貶值，想買入優質美股如：蘋果、迪士尼等，想知何時是入市時機？
理財個案｜讀者來信：
龔Sir，我有朋友未買過股票，佢對美股有少少研究， 想買啲優質美股 e.g. 蘋果，迪士尼。但問題係，美國無限QE，而家美股日日升，我朋友懷疑個市值遠超企業內在價值，因此現時不適合買入。但佢又驚 唔知要等到幾時個市先會跌，佢知道長渣現金 只會不們貶值。
美股會形成泡沫嗎？
龔Sir覺得，無限QE下，美股會形成泡沫嗎？但又好似冇咩原因會令佢出現熊市，再者，龔sir認為現時美股仲可入市嗎？Thx！
理財個案｜40歲8月一家四口移民英國、賣樓套500萬點投資創被動收入｜龔成教室
理財個案｜買股票一賺就走、蝕就坐！幾年輸廿萬、趁牛市想將資金翻倍｜龔成教室
龔成老師分析：唔建議100%現金
蘋果，迪士尼都是有質素的股票，當然現價唔算平，可以用分注投資的模式進行。我唔建議100%現金等，最好是買入基本的貨後，再等跌先正式買入。其實，我哋最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
新經濟股的確有少少熱
同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。
至於泡沫，現時新經濟股的確有少少熱，所以我哋投資時要明白這風險，但無人知幾時升跌，佢可以再上的。我地最重要是睇「企業長遠發展」，中短期股價走勢，就不要太多分析。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
