理財個案｜睇好比亞迪在260元股價高位買入！應止蝕離場定睇長線SH？

【理財個案】讀者睇好比亞迪，在260元股價高位買入一手，現時股價跌190元以下，想知應該止蝕離場，還是定睇長線SH（Strong Hold）？

理財個案｜讀者來信：睇好比亞迪在260元股價高位買入

早晨，龔sir，想請教下260蚊入左一手（1211.HK），依定跌到咁，如果睇長線係咪應該繼續守，還是應該止蝕等佢返到合理區再買返？另外都想請教下心態問題，個人對於（1211.HK）真係做多幾多功課，不論係行業前景、國家政策，以致於公司本身既潛力，我都覺得（1211.HK）係一間優質公司，我亦都有參考過老師你講既參考價（合理區為120蚊，最多150蚊）。

比亞迪1211合理區120至150蚊

然而前段時間股價真係好似坐火箭咁上，睇勢頭根本冇咩可能去返合理區（120-150蚊），而且見佢前段時間配股300億比200間機構投資者。配股價為225蚊，當時認為既然咁多機構投資者在研究完呢間公司後都願意比225蚊呢個價錢投資入呢間公司，所以認為只要係長線投資。

股價跌破支持位

即使比多少少（260蚊）投資亦都無任何問題，但結果投資咗冇幾耐就跌到依家190元以下，其實過程中我睇圖都知道股價跌破左支持位。正常應該要止蝕，但我當時一方面幻想睇圖唔一定百分百正確，另一方面又認同價值投資唔應該睇短期波幅，但結果現實就係越跌越多。

老師我投資心態係咪出現問題？

龔成老師分析：要預中短期仍好波動

你一手，持有就得。只是要預中短期仍好波動。你最大的問題，是企業估值與心態問題。比亞迪（1211.HK ）有潛力，長遠有發展，這點你我都知，問題是估值，就算一隻股票好優質，但在太貴的價位買入，都會大幅減低回報，因此，在合理價買入好重要。

理財個案｜26歲月入18K！4隻股票都坐艇、現金不多考慮月供股票增值｜龔成教室

理財個案｜疫情令收入減至2萬、月還貸款3.5萬！有340萬現金要點部署｜龔成教室

唔好比短期股價影響

如果無貨好想入，而見到佢處貴的水平，投資者也只能用分注、月供等模式進行。另外，你比機構投資者影響咗，以為佢哋買入就應該買入，但其實好多機構投資者分析好短視，不能完全盡信。另外，你「睇勢頭根本冇咩可能去返合理區」，這是最錯的地方，唔好比短期股價影響，要睇翻企業質素、合理價值。

巴菲特都唔信圖

你「其實過程中我睇圖都知道股價跌破咗支持位」，唔好信，我持有這股12年，試過由$88跌到$12，我都長線，如果我用睇圖方法，就唔會賺到10倍回報。（巴菲特都唔信圖，你唔好行錯路）。

【按此訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。