【理財個案】30歲前靠投資已賺到100萬，目前每月有月供股票，但近日嫌比亞迪貴想暫停月供，同時想轉月供阿里巴巴，想知此投資部署有冇問題？
理財個案｜公務員月入26K有媽媽做擔保！應否沽股票買西環300呎舊樓｜龔成教室
理財個案｜讀者來信：30歲前靠投資已賺100萬
HELLO 龔SIR，多謝你過往分享咁多有用投資資訊俾我，而我同另一半由2017年尾開始就係你忠實粉絲。真係好多謝你，你令我哋兩個都同樣30歲前就有100萬資產！
而我一直都有留意你回應網民月供嘅股票選項，我亦都月供左2年半股票（$2,000盈富及煤氣、比亞迪、領展各$1,000），但出現以下情況想請教下你：
嫌比亞迪貴 想轉月供阿里
- 因為比亞迪（1211.HK）依家太貴，都知道120元以下先合理供，所以我想停下。我想供阿里巴巴（9988.HK），想請教下你長遠點睇？因為見你好似比較少建議人供阿里巴巴（我今年30歲，想進取少少加多啲潛力股，請問可以建議有質素潛力股作月供嗎？）
- 我一直有供煤氣，但最近見佢跌得好多，好似升唔起，但同時我又諗依家襯低，係唔係應該繼續月供呢？但同時我都諗定係緊轉供恆基（0012.HK），會唔會更理想？
目標45歲前財務自由
因為恒基有埋煤氣股份，同時又係地產股，好似範圍比較大，感覺比較全面，請問你覺得點？感謝龔SIR！
PS：我目標係45歲前財務自由！如果成功咗，我第一時間話你知，哈哈
理財個案｜讀者想長線投資黃金及相關股票！增長型潛力股票有一隻推介｜龔成教室
龔成老師分析︰月供阿里冇問題
太好了，先恭喜你地完成了$100萬目標，之後要保持知識與財富進步！
1） 我現在都有建議人月供阿里巴巴（9988.HK），佢近期面對內地監管可能收緊，風險度增加了。早前螞蟻金服因貸款業務問題，被叫停上市。中央就是擔心這些小型信貸增長過快，但監管又未及銀行嚴緊，會危害實體經濟。
阿里巴巴質素依然存在
但內地唔係想佢唔賺錢，只係想規管佢。由於佢本身己建立一個完善的業務，因此本身是無得輸，只是賺多賺少問題。此股質素依然存在，但你預佢增在力會弱了，用來做月供係無問題。以下潛力股，都可以用來做月供。
潛力股推介：
安碩恒生科技（3067.HK）、阿里（9988.HK）、騰訊（0700.HK）、港交所（0388.HK）、舜宇光學（2382.HK）、小米（1810.HK）、中生製藥（1177.HK）、福壽園（1448.HK）。
2） 其實轉恆基（0012.HK）都可以，但由於你月供已有領展（0823.HK）這隻地產股，咁會有少少偏向地產類。
【理財方法】 分開必要及非必要開支 50/30/20薪金分配法則 由冇錢剩變有錢人
家庭收入配置法「4321法則」 有效控制支出+儲錢 月入2萬一年可儲4.8萬
煤氣增長力減弱
其實煤氣（0003.HK）仍是有質素的股票，但增長力弱了，而佢改為20送1，反映增長力可能減少，但不算差。香港業務不強，但中國部分不差，中短期雖然較一般，但見佢的長遠發展力仍在，但就要耐心點。
由於佢一向都穩定派「相同股息」，在這情況下，反映派息的增長會少了。但整體來說，這企業仍是有質素的。
長遠發展仍是正面
我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。用佢做月供目標，依然係可以的。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
