【理財個案】27歲單身讀者做網購小生意,收入不固定,每月利潤約4至12萬元。現有35萬現金,沒有投資,唔想再租樓,希望一年內買樓上車要點做?
理財個案|21歲自認可承受風險!用一半人工月供中生製藥、另一半儲起|龔成教室
理財個案|讀者來信:27歲單身做網購生意收入不穩
龔成老師你好,我睇咗你fb好長一段時間了,見到你對好多人嘅回應都好詳細分享,點出嘅野都好精準,所以想指教下你,希望你可以指導下我嘅錢應該如何分配。
我今年27歲,單身,做網購小生意,收入不固定,每月利潤大約4至12萬之間浮動。
過去三個月的收入支出
收入 | 支出 | 淨 |
68,000元 | 58,000元 | 10,000元 |
104,000元 | 72,000元 | 32,000元 |
116,000元 | 88,000元 | 28,000元 |
每月固定開支:
- 家用:10,000元
- 租金:10,000元
- 每月供款如保險電話費屋企人使費:6,000元
- 日常開支:20,000元
- 基本上每個月用5萬走唔甩
其他開支:
- 每半年左右請屋企人去個短途旅行用三萬左右
- 有時買下嘢 / 去旅行 / 屋企突如其來要錢,會用多幾萬蚊咁
現有35萬現金,冇做其他投資。現時自己住(租),屋企人有自己嘅物業,佢哋不需交租,但都冇太多現金流,佢哋嘅現金流足夠每月使費,我俾嘅一萬蚊係俾佢哋輕鬆少少買下嘢咁。
理財個案|26歲月入18K!4隻股票都坐艇、現金不多考慮月供股票增值|龔成教室
理財個案|疫情令收入減至2萬、月還貸款3.5萬!有340萬現金要點部署|龔成教室
想一年內買樓上車 + 增加資產
想買樓 + 同時買啲穩定將來有回報嘅資產,比如保險公司的儲蓄計劃 (不知月供 / 年供好,暫時諗法係月儲一萬蚊儲五年),或者月供基金股票。
買樓的話,希望係一年入市,買400萬樓下嘅盤,用來自住/出租都未有定案,冇咩所謂。我既工作冇收入證明,但有做糧單,信貸紀錄良好,不知買樓做按揭會否有困難。
網購生意越來越難做
因為現在生意其實都係手停口停嘅工作,加上網購都越來越難做,相信一兩年後就做唔到我現時收入。而支出都大,所以我好有危機感。希望這一兩年可以做到有層樓在手+ 儲會生被動收入既資產。令將來假如收入減少,都可以輕鬆啲。
唔知依一刻做月供計劃,會唔會搞到兩頭唔到岸,或者有冇其他我未諗過的方向,想請教龔成老師既諗法。
個案重點:
- 27歲
- 從事網購生意,收入不穩$4萬-$12萬
- 現金$35萬
重點目標:
- 一年內買$400萬物業
- 兩年後想有樓加有資產
龔成老師分析:投資可快速變現的資產
雖然你收入不穩,但可以用「平均收支」的模式去進行分析,不過,始終收入不穩都會影響理財計劃的。
就你的情況,的確要增加資產,令你在保障加大,但由於你做生意,始終都要一定的流動資金,所以在投資上,應該先考慮「你要幾多現金,幾多可以快速變現的資產」,餘下才投資一定變現能力較低的資產。
選擇股價穩定的收息股
現金、收股息,都是變現能力強的部分,你要計算自己需要多少,收息股可以考慮港燈(2638.HK)、深高速(0548.HK)、置富(0778.HK)、陽光(0435.HK)、香港電訊(6823.HK)、工行(1398.HK)、收息基金(3110.HK)等。因為這些收息股股價穩定,當你生意上要套現時,一般都不會有太大的損失。
流動性較弱的資產
餘下的部分就可投資其他流動性較弱的資產,例如物業、保險公司的計劃(因為這些計劃中途退出,不少都有較高的收費),所以,這類計劃就算你投資,都不建議太高金額。
如果你有交稅、有糧單,其實都可以正常做按揭,一般都無問題,當然,你要問清楚地產經紀同銀行先。
買樓都是一個方法
買樓都是一個方法,但不是唯一的方法,你投資物業放租,由於要供樓,因此都難以產生正現金流,因此都未必對你將來收入有幫助,只是助你提升資產項。
你都可以在這段時間,利用股票作財富累積,同時睇住樓市,在適當時機入市。你這刻要做的,是盡力儲錢,同時令財富合理增值。
如果你打算一兩年買樓,就唔會做太長線的投資,那月供股票都不適合你。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。