【網民熱話】近年不少年輕人鍾情投資美股,討論區不時有股民分享買美股大賺心得,近日美股港股大跌,有網民就分享自己先賺後蝕、再高位All In GME+ARKK後蝕淨8萬的慘痛經歷。   

網民20萬身家跟風投資美股

該網民在 香港討論區 以「返工辛苦儲錢,今次真係咩都無哂」為題發帖,分享自己去年起買美股由賺到35萬,到現時蝕淨8萬的投資經歷。他表示自己辛苦返工2年,儲到20萬本金,「上年見美股個個都話 X 買都升,將所有身家放哂落去投資。」

買第一隻股票Nio 兩個月賺10萬

他表示,第一隻買的股票是 NIO,「果陣18蚊左右,2個月唔夠已經賺咗10皮,嗰陣時覺得搵錢好容易,後悔自己點解唔all in」之後他在股價約40元,再買入第二隻股票 FUTU,但由於屬投資新手,所以未有決心All In,「兩個月唔夠又賺多25萬,果陣時覺得發達係一件好容易嘅事,承諾自己下次有邊隻股票睇得重一定要allin落去。」

港股再爆升|調查:81%港人今年有意投資股票!58%千禧代偏好買美股

由零開始用幾年創造財富100萬唔難!資金多寡非關鍵!只要懂一個法則|龔成教室

「覺得發達係一件好容易嘅事」

投資新手短時間就賺到錢,令該股民當時覺得賺錢極易,他亦承認當時的心態非常自我膨脹,更「餐餐大魚大肉,講句嘢都大聲啲!」可惜好景不常,直到年初GME事件,他決定「All In推晒50幾萬落去,食正高位$300入貨,結果SH(Strong Hold)跌倒$100左右忍唔住終於放左,上年利潤冇哂不特止仲輸緊5萬幾。」

跟契媽買ARKK蝕淨8萬 

該股民其後指自己經反省後覺得買 ETF 會相對穩陣,故在148元左右入手「契媽」Cathie Wood旗下的ARKK,「結果咁啱遇着呢一波股災,本金蝕淨8萬蚊」,他深感自己辛苦儲落的20萬積蓄已蝕了一半,感概自己:「輸錢皆因贏錢起」!

按此訂閱《香港財經時報》HKBT 新聞快訊】 

網民回應:咁同賭錢無分別

常言道,正確的理財方法應是「投資」而非「投機」,此帖文一出後,不少網民都紛紛留言加入討論。有網民回應指:「咁同賭錢無分別。仲有剩已經唔算好衰喇。吸取教訓。」也有網民表示自己「呢個月我都輸返好多俾個市」。另有網民分析指:「GME 本身就系一間快唔得的公司 只係被炒作炒上 就好似買牛熊 過夜賭大細 死硬」 

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。