讀者來信表示,最近去睇樓,發現成交超勁,有些未睇清楚計清楚就俾人買了,由於資金唔多,唔夠靠父幹母幹或投資者爭,想知點先可以爭到筍盤? 

讀者來信:如何爭到筍盤

Anthony Sir你好!一直有睇開你的專欄,仲記得早兩個月,個個都話香港經濟唔好,失業率高,樓價應該要跌的時候,你就話好快會轉勢,當時我見好多留言都唔信,現在不得不信了,佩服你的眼光!最近我去睇樓,成交超勁,尤其是一些比較買的,我都未睇清楚計清楚就俾人買了,我資金唔多,實唔夠啲父幹母幹或者投資者爭啦,點算?點先可以爭到筍盤?!

回覆讀者來信:買筍盤要做好三個準備 

想當年我們剛剛起步,都係冇乜錢…那時候未有辣招,熱門屋苑,炒家雲集,我們一樣可以爭贏!
印象最深刻的十年前的金獅之戰、得寶之戰,當時我們培訓中心剛剛開業,學員戰友不多,資金不多,金獅掃了 40 多間,得寶淘大掃了 30 多間,都是低水筍盤!只要做好三個準備就得…

香港樓價15年升4倍!35歲以下業主跌至7.6%!首置平均年齡延至44歲

居屋2021-2025|沙田單幢樓近第一城!北角海景盤、啟德 觀塘都有得抽

準備一:鎖定目標地區及屋苑

有網友問:「我而家未準備買樓,應該而家睇,定到時先睇?」到時先睇?全港十九區,睇得嚟筍盤都俾人買晒啦!如果你有心在物業投資市場有一番作為,就要平時做好準備,不是想買的時候才去睇樓,而是平時要睇定先。

盡早學習,盡早睇樓,心裡有數,睇唔一定要買嘛,但你就可以建立一個屬於你自己的資料庫,鎖定一兩個目標地區,鎖定幾個目標屋苑,建立代理網絡,機會來臨時,就可以快人一步。

準備二:鎖定買入價

鎖定目標之後,計算合適的買入價,有三條數要計的:

  • 第一條數數是,到底現價抵唔抵買呢?
  • 第二條數是,若困現價唔抵買,到抵去到那個價錢才抵買呢?
  • 第三條數是,買入之後,持貨三年之後,假若樓市回復正常,這個單位可以賣到幾多錢呢?我賺唔賺到錢呢?為甚麼有買家願意俾錢我賺呢?

再密切留意市況及幾個目標屋苑的成交走勢,當市況開始出現調整,成交價開始貼近你目標買入價,立即找你的相熟代理開始劈價,就可以快人一步。

準備三:準備貸款力

你要清楚計算好自己可以借幾多錢,如果唔夠就搵定親友幫手做擔保人,執齊 Full Set 文件,睇清楚有冇甩漏。同時要密切留意目標屋苑的估價走勢,確保借到按揭,就可以快人一步。

機會是留給有準備的人!

做好以上三個準備,即使資金不多,你都可以做到收到筍盤,即時決定,即時落票,都可以爭贏投資者!之前我們的學員 Floss 師兄買入一間低水筍盤,比當時成交價平一成,比正常價低水兩成有多,有興趣可以到我們的Youtube Channel收睇,看看要怎麼做準備功夫及出手要如何快。

按此訂閱《香港財經時報》HKBT 新聞快訊

作者簡介:作者為1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。