理財個案｜26歲月入18K！4隻股票都坐艇、現金不多考慮月供股票增值｜龔成教室

【理財個案】26歲讀者月入18K，有5萬現金，手上持有的4隻股票都坐艇，由於現金不多，曾見領展低都無錢入貨，現考慮月供股票3隻股票增值求意見。

理財個案｜公務員月入26K有媽媽做擔保！應否沽股票買西環300呎舊樓｜龔成教室

理財個案｜讀者來信：手上4隻股票都坐艇 

老師， 我重整緊手上嘅股票，本身持有：

曾見領展低都無錢入貨

現價打算繼續持有，手頭另有5萬蚊現金，26歲，月入18k，除左家用$4000係必要，同埋可能預多$3000至$4000使費。無咩必要開支，可能每月不定嘅卡數，出嚟做咗嘢四年都儲唔到錢。加上，手頭上嘅股票走唔到，之前見領展低都無錢入貨。

新一年想$5,000月供3隻股票 

所以新一年想重整一下股票，由於現金唔多，打算$5000月供3隻股票。

$2,000（00388.HK）
$2,000（00823.HK）
$1,000（02800.HK）

請問此組合是否可以？ 但我見唔少股票而加都高位， 如果而加開始月供係咪都可以？ 有無其他潛力股建議？手上持有嘅嘅股票，我知都有質素，所以唔會放， 但吸收教訓，唔會再咁高位入。謝謝

龔成老師分析︰先增值 後現金流 

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

財富增值的黃金時期

你現時的年齡，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。你現時月供組合可以，現時港交所（00388.HK）係略貴，但月供長線可以拉平均個價，所以現在開始供係無問題。

匯控當收息股 不宜加注

持股當中，匯控（00005.HK）收息股，增長力唔高，唔好再加注。現時大市只在合理區，每月儲蓄唔好盡用。最好留有部份，等大跌市出現時，可以用來掃貨，增升增值效率。

【按此訂閱《香港財經時報》HKBT 新聞快訊】 

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。