本身屬肥底嘅我，一路以嚟都以唔同方法維持正常合理體重，不過，自從生完個仔之後，都無好努力咁去保持身型，體重就更加唔敢知道，連磅都無上過。所以，最近半年來隻腳經常都會出現痛楚，試過睇跌打效用都唔大，最後俾我喺公司附近找到一間不錯的按摩院，就維持一至兩星期按一次腳的習慣，以紓緩腳的不適。

體重過高引致雙腳痛症發作

可惜的是，自11月第四波疫情以來，按摩院一直要關門，就無辦法再維持按摩，導致雙足Keep住出現痛症，由幾日痛次，變成每日都痛。由於人太重的關係，相信腳承受的壓力非常之大，加上孩子雖然已經4歲，但總有扭抱的時候，自己都想趁仲抱到時抱他一下，所以雙腳又會變得更痛。

窩心又可愛的一句童言

有一日，深深又叫媽媽抱，可是因為腳痛的關係，我跟他說：「媽媽腳痛抱唔到你呀。」他說：「咁你去睇Doctor啦！」我說：「睇Doctor都無用呀，媽媽要減肥先得。」估不到他竟然笑著跟我說：「哈哈，肥都唔緊要啦！」聽到之後真的覺得他很可愛。沒想到他會說這樣的話，知道他不是要哄我，但聽到他懂得這樣說都覺得十分窩心。

每個小朋友都總有U記睡衣？棉質較舒服彈性高！揀小朋友睡衣小貼士｜深媽實道

偷得浮生半日閒

小孩有時就是這樣，雖然日常被他激的次數很多，但一句這樣無心又可愛的說話，往往都會令到媽媽覺得開心，可謂乜都抵返晒！不過腳痛仍然是會繼續的，所以最近按摩院可以重開，簡直是腳痛福音，短短幾日已經按了兩次，但腳痛未有太大好轉，可能還需要偷得浮生半日閒，在午飯時間偷閒按腳才行。

【按此免費訂閱《香港財經時報》HKBT 新聞快訊】

作者簡介：深媽是一名雙職媽媽，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！

免責聲明：本網頁所有專欄作者的觀點，不代表本媒體立場。