由深深好細個開始，深媽已經會去U字頭嘅大型優衣店買衫俾佢，特別係底衫仔、夾乸衣、睡衣咁，由零歲開始到而家四歲，真係不分寒暑，冬天夏天都入手幾套，尤其係當佢減價嘅時候，真係抵買抵著！
農曆年假後終於有機會復課！停課期間增親子時間、但學校學規矩比較好｜深媽實道
小朋友未復課、疫情下親子遊香港紓壓邊學邊玩邊紓壓！體驗大澳、山頂坐纜車｜深媽實道
顏色圖案多 質料價錢優
喺深深幾個月大嘅時候，U品牌最細嘅衣服都要由80碼開始，至到上年發現佢最細出到60都有，真係細到初生都啱著。各位媽媽相信非常有共鳴，初生寶寶經常嘔奶便便，一唔小心就會整污糟衣服，有返十套八套底衫睡衣喺手都真係好平常，而U記嘅BB衫除咗質料舒服之外，價錢抵都好緊要，再加上佢好多顏色圖案選擇，所以好難唔繼續買佢！
揀睡衣小貼士
深媽幫深深揀睡衣，都有幾個小貼士可以分享，夏天的話最緊要透氣舒適，但個人會選及膝長的短褲，因為會開冷氣嘅關係，有一定長度的短褲比較好；至於冬天的時候，我會為深深買不同厚度的睡衣，以U記睡衣為例，80至100元的睡衣有幾款選擇，有普通棉質、菱格厚料及絨布款。
棉質較舒服彈性較高
我比較常揀的是棉質款，因為質地較為舒服，而且彈性較高，不過都會入定一兩套厚料的，為有寒冷天氣警告的時候做準備。特別留意，初開季時推出的睡衣都以正價發售，我很多時會在季尾入定兩套特價睡衣，買大一個碼留返下季著，咁就抵上加抵！
#一人一件U記睡衣
除咗深媽幫深深揀U牌之外，最近發現，社交媒體上見到唔少朋友，無論大啲定細啲嘅，都總會撞睡衣，更見過有媽媽相約朋友的孩子，同一晚穿同款睡衣然後Post IG Stories，深深有一個只差兩個月大的表弟，佢哋兩個都經常穿同款睡衣，實在是十分有趣！
揀選衣服的準則
唔知各位媽媽又有冇買過呢個品牌嘅睡衣呢？你哋為孩子揀選衣服的時候有沒有甚麼準則？歡迎留言俾我哋一齊討論一下，又或者post下你哋小朋友嘅U記睡衣，睇下大家有冇撞款吖！
作者簡介：深媽是一名雙職媽媽，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！
免責聲明：本網頁所有專欄作者的觀點，不代表本媒體立場。
