【理財個案】年輕讀者初入職場，將強積金60%在保守基金，龔成認為他的MPF配置可更進取，再額外月供盈富，也可以加入其他潛力股如安碩恒生科技ETF。
理財個案｜22歲月入17K、考慮靠6K月供3隻股票！目標每年收息12萬｜龔成教室
理財個案｜讀者來信：年輕讀者強積金60%在保守基金
你好！！龔成老師，想請教一下你關於強積金問題。我之前驚強積金會輸晒，所以只係揀了兩隻低風險保本基金。
- 東X（行業計劃）均衡基金 40%
- 東X（行業計劃）強積金保守基金60%
但我覺得你所講的好合理，年輕可以更進取，所以想將強積金轉為：
- 東X（行業計劃）香港股票基金50%
- 東X香港追蹤指數基金 50%
應否額外係出面月供盈富基金？
- 其實供強積金係唔係我每月所供嘅錢？銀行幫我做月供去供呢兩隻基金？
- 同埋我見東X香港追蹤指數基金係99.8%買盈富基金，仲有無需要再額外係出面月供盈富基金？
- 我個人想買一些有不錯息率，但又有增長力股票，暫時睇了老師的書，比較想買（02388.HK、00066.HK、00016.HK、01928.HK）。其實（00823.HK）我都想買，但係長期都唔平，我個人推測佢嘅合理價只係$62左右。
希望指教一下！唔該晒 thx
理財個案｜32歲月用26K供股票、想8年後財務自由！每月有5萬被動收入｜龔成教室
個案重點：
- 強積金60%在保守基金
- 年輕人
重點目標：
- 想調整強積金
- 強積金已有追港股，應該再買盈富
龔成老師分析：太保守會浪費複息增長能力
對呀，年輕時你可以進取少少，太保守會浪費了複息增長的能力，特別是你年輕。我講啲基本概念先，其實強積金的配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守。基本上你按年齡，慢慢跟這樣比調整就得。另外，唔建議你成日轉來轉去。你設定好，就中長期都是該配置就得。
你按年齡，簡單分配就得，我自己由初踏入社會開始，就100%恆指，現時都是。
領展的確長期處略貴水平
- 基本上係，但具體上，因為佢地有佢哋的運作方法，所以有可能正式買賣會差少少，但原理上，你當是如同月供就得。
- 出面都可以月供，強積金你在65歲前都取唔到，而出面的資金你可以自己運用、配置，所以出面照供盈富（02800.HK），是無問題的。
- 這幾隻都是有平穩增長，同埋股息不差的股票，基本上你可以分注投資。至於領展（00823.HK）的確長期處略貴水平，你比較佢同其他房託的息率就知，但領展的確優質，所以又有少少貴得有道理，所以，要等做回到較合理水平，唔知等唔等到，這類股，都可以考慮做月供，但就不會現價大手入。
不過，增長力就唔強，你可以要加入其他潛力股，組合先更加適合你。最簡單是（03067.HK）。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
