理財個案】剛畢業Fresh Grad女讀者全職收入只有15K,其中4K用作家用、2K用來供儲蓄保險,持有有25股約1千蚊匯豐,如何靠投資股票賺第一個100萬?

理財個案|22歲月入17K、考慮靠6K月供3隻股票!目標每年收息12萬|龔成教室

理財個案|讀者來信:

龔sir你好,我係一個啱啱fresh grad既女仔,全職月入1萬5,4千比家用,2千儲蓄保險,持有有25股約1千蚊滙豐,因為新手入場唔夠膽放太多,我都好想擁有人生第一個一百萬。想問下意見其實應該幾多年達到呢個目標,而我呢個情況又可以有啲點樣計劃,分配去達成目標呢?

你嘅回覆會好幫助到我,因為覺得自己有啲亂而家狀況。感謝

龔成老師分析︰運用「先增值,後現金流」方法 

當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。

理財個案|32歲月用26K供股票、想8年後財務自由!每月有5萬被動收入|龔成教室

初期投資較有潛力股票

例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。你現時的年齡,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。

「保險」屬理財中防守部份

「保險」只係理財中防守部份,買足夠保障就可以,增值可以留比優質資產(如優質股、物業等)去做。現你持有匯控(00005.HK),主要用來收息,增長力好弱,唔適合你。現貨可持有,但唔好再入新貨了。策略上,你可以投資「平穏增長股」和「潛力股」。你先用每月5成儲到的錢做月供,其餘先儲起,用一邊月供一邊儲蓄的策略。

平穏增長股選擇:

選股上,你可以投資在平穏增長股︰盈富(02800.HK)、金沙(01928.HK)、恒基(00012.HK)、平安(02318.HK)、中銀(02388.HK)、港鐵(00066.HK)、煤氣(00003.HK)、長建(01038.HK)、粵海(00270.HK)、領展(00823.HK)。

增長力較強股票選擇:

增長力較強的,可選安碩恒生科技(03067.HK)、阿里(09988.HK)、騰訊(00700.HK)、港交所(00388.HK)、舜宇光學(02382.HK)、小米(01810.HK)、中生製藥(01177.HK)、福壽園(01448.HK)。但佢地波動性和風險會較高,你要自己平衡。

8年增值到100萬方法

餘下的另一半現金,我地就等機會,當大市出現較大回調,就加大力度掃貨,然後作長線投資。假設你能抽一半人工(每月$7,500)去做投資,以恆指過去年平均回報10%計(連股息再投資),8年後大約會增值到100萬。你可以以此作參考,去定儲蓄目標。

按此訂閱《香港財經時報》HKBT 新聞快訊