今年過年還未打算在哪裡買年花，過往都是在維園年宵市場買旳，縱使上年亦同樣受疫情影響下維園只有保留濕貨市場，依然可以買三株蘭花；至於會否去花墟行花市，老婆擔心反而太多人集中在花墟購年花，依家尚未決定。反而賀年全盒就簡簡單單買了少許糖果和果仁當應下節，橫掂都係自己食無所謂喇。
臨退休人士有500萬現金想穩陣投資！買樓收租VS股票收息還是買年金？｜老樓周記
農曆年更加多藥房執笠
講起辦年貨，兩公婆行經旺角奶路臣街和山東道一帶，一個街口單雙號有十間吉舖，並且不少之前是藥坊或藥行之類的租客，我同老樓太講，這個現象已經有成年係咁，不過留意到臨到農曆年就更加多藥房執笠。
老樓問過做藥房的老友記，他說：去年初仲可以賣口賺多一水，去年第三季開始已經無咗呢批客，市場好多供應，依家藥房網購，口罩產品已從第一位跌出十大之外，邊樣好賣呢，居然係藥物，包括主力增強免疫力的藥物，放係屋企看門口。他補充藥房生意很機動，假如疫情放緩，內地客可以通關來港的話，他們可以隨時開番舖，「都係計數啫，有生意做，租金又平番，宜家差並不代表一世差。」
西洋菜街已經轉型
從山東街轉入西洋菜街，金舖不再是兩步一舖，化妝店亦轉上樓上舖，反而數碼產品一間接一間，老闆話好多人拍片，可能做轉做網紅搵錢掛。原本呢間舖都係短租數月，老闆見數碼產品配件熱銷，同業主簽多一年多，租金仲平咗，「無法喇，租出好過吉係度，業主都話可以再租長啲、再平啲。西洋菜街已經轉型，何況大型商場或以奢侈品為主的靚靚商場，早前便有報導話平價民生舖已進駐廣東道AAA級商場啦。」
年廿九就買定一個星期餸
轉場去荃灣楊屋道一帶，商場不是太多人，反而內街街市，近農曆新年反而人更多，基本每間舖都擠滿辦年貨的人潮，有啲賣海味、有些賣糖果等應節食品，連賣肉的內地連鎖店，下午五時已經無肉賣，只賣菜，一眾「煮婦」望門興嘆，即刻走過隔離的另一間豬肉店入貨，一名師奶同豬肉佬講「日日封大廈，唔知幾時封到我屋企，所以每三天就入定貨，到年廿九就買定一個星期餸，可以唔駛咁驚！」
發展商推盤未有放軟
離農曆新年唔夠一個星期，發展商推盤似乎未有放軟，因第四波疫潮被逼押後，似乎有追落後之勢，代理已經在新年無假放的心理準備，大發新年財，兩大代理行高層亦會call齊馬隨時開工，不排除大年初一便開單做生意。
按傳統，新正頭通常只會開陣市便算，若果個市真係咁旺，就可能破例賣長點時間樓，等唔駛去拜年的香港人可以睇下樓，順道買番間金屋過年都唔定。
作者簡介：劉兆昌為資深地產傳媒人，自1988年起投身地產傳媒採訪工作，見證香港樓市大時代三十年變化，曾任多間傳媒機構地產版主管，為香港傳媒界第一代地產版從業員，並曾於2010年出版首本買樓入門書。目前為自由創作人，中港兩邊走。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
