理財個案】澳門讀者擁10萬現金、供緊兩隻基金約值9萬元!另有兩隻股票中通(02057.HK)及圓通(06123.HK),一賺一蝕,想知投資組合點部署較好。

理財個案|36歲供緊自住樓、賣內地樓獲250萬!想移居泰國靠投資過活|龔成教室

理財個案|讀者來信:

龔SIR,您好呀!唔知我可唔可以問少少嘢。我係澳門人,手頭上有現金10萬左右,基金大約9萬左右。安聯增長及收益7萬(供左三年左右,依家收緊息)霸菱環球高級抵押債券基金2萬(供緊3千一個月)。咁股票就係3萬左右:

股票 數量 購入價
中通(02057.HK 50股   218
圓通(06123.HK 4,000股   6.67  

想問下龔SIR你呢,我應該點樣去部署我GE投資組合會好啲?因為我見(06123.HK)  個價係咁跌....唔知守住先定係放晒佢。多謝龔SIR,希望唔會煩到龔SIR你。

龔成老師分析:唔好再買入同一行業的股票 

基金要睇翻當中的投資策略、質素,你可以比過往佢的回報以及大市的回報,睇下佢的表現如何。你唔好太心急去增加股票,$10萬暫時只動用$5萬,要慢慢睇機會,要時機先出手。同時,唔好再買入同一行業的股票。

可考慮盈富、銀娛

你可以考慮盈富(02800.HK)、銀娛(00027.HK)、恆基(00012.HK)、港鐵(00066.HK)、平安(02318.HK)、粵海(00270.HK)、領展(00823.HK)、希慎(00014.HK)、太古地產(01972.HK)等,你可以了解下這些股票,然後從中選股。

中通快遞(02057.HK)有質素

至於你的持股,中通快遞(02057.HK)有質素。睇翻佢的資料,佢係中國較領先的快遞公司,於2002年成立,按總包裹量計是中國領先的快遞服務供應商,市佔率約2成,佢通過全國性網絡提供送件服務,以及其他增值物流服務。

小注無問題 值得長線

佢的網絡基礎設施,由90個分揀中心與282條自動化分揀線,由約9,050輛自營幹線車輛服務超過3,400條幹線線路組成,網絡覆蓋全中國。至於財務數據方面,生意與盈利都不差,不過,始終新上市數據未必好準,要慢慢先見真章。現價平就唔平貴,不過有發展的,如果小注無問題的,這股值得長線。

圓通速遞業務已擴展至多個國家  

圓通速遞(06123.HK)本身係一家以香港作為總部的國際貨運代理服務供應商,業務已擴展至多個國家,並在亞洲、荷蘭及北美設立了幾十個辦事處。佢主要經營以下四項業務:空運及海運貨運代理服務、總銷售代理、配套及合約物流服務。

阿里巴巴入股增持

早前阿里巴巴(09988.HK)入股增持,令股價大上大落,這的確會令企業有更多發展,前景正面,不過,估值方面已難。因為這刻根本無法計算佢,之能賺多少錢,企業發展情況如果,只可以話好多不確定性,但股價就反映大部分利好因素。

股價仍會波動

因此,這股雖然有發展,但同樣股價上是有風險,相信之後的股價仍會波動。只可以話,這類股小注持有不是不可,但要明白風險因素。

要留意,唔好太集中在同一行業。

按此訂閱《香港財經時報》HKBT 新聞快訊

編按:專欄作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。