2020過去,唔少人都想2021疫情快啲過去!說起2020,作為一個雙職媽媽,真係可以話別有一番體驗!

一起撲口罩的日子

回想起2020年初,疫情開始加劇,四圍買唔到口罩嘅日子,真係令人心慌!可幸的是,做了媽媽之後,學識四處搜尋BB用品,G Market乃其中一個購物的地方,於是便膽粗粗試買韓國口罩,當時仲幫咗一班同事入手,但經歷被Cut單、取消、缺貨的人相信都不獨我一個。

G Market、Amazon訂口罩等運到 

最終,第一批買的韓國口罩,喺經歷三星期後終於到貨,大家都可以話一解燃眉之急。漸漸,我覺得自己好似出現買口罩狂熱,每天都總會留時間網上四處搜尋口罩,因為一家大細靠晒我。最初香港有得訂就訂,後來又開始沉迷日本口罩,每天都上Amazon等運到,好彩又入手一盒日罩,結果愈買愈多。

韓國口罩-香港財經時報HKBT-香港財經時報-HKBT
圖片:作者提供
大量韓國口罩

由日本口罩、韓國口罩到台灣口罩

到日本口罩開始慢慢供應正常之後,又轉到台灣口罩,之前台灣禁口罩出口前,已從不同代購預訂咗一堆,結果又逐少逐少咁收到,家中就開始不同地方都出現口罩。買到有一刻,我都覺得自己好似有少少病態,不過,當之前買的都慢慢收到之後,近來都沒有買新口罩。

日本口罩-香港財經時報HKBT-香港財經時報-HKBT
圖片:作者提供
大量日本口罩

家中口罩山之形成

但疫情之下,口罩真的不知需要戴多久,就算日後真係有疫苗可打,個人嚟講都不夠膽放鬆,相信戴口罩的日子都要保持一段時間,再慢慢清走家中的「口罩山」!

按此訂閱《香港財經時報》HKBT 新聞快訊

編按:專欄作者深媽,雙職媽媽一名,曾任職傳媒行業,做過副刊親子、教育、家居、健康、寵物版記者,現時日頭是專業Digital Marketing人,放工返到屋企即變身成「湊仔戰士」,同屋企一隻即將4歲的跳跳紮兒子搏鬥。攰,但相信不少媽媽都同我一樣樂在其中!

作者簡介:深媽,雙職媽媽一名,曾任職傳媒行業,做過副刊親子、教育、家居、健康、寵物版記者,現時日頭是專業Digital Marketing人,放工返到屋企即變身成「湊仔戰士」,同屋企一隻即將4歲的跳跳紮兒子搏鬥。攰,但相信不少媽媽都同我一樣樂在其中!