疫情第四波以來，我家的K1小朋友早早已經停課，而我亦都Work From Home（WFH），為咗可以「停課不停學」，都要準備返相應物資在家抗疫。
停課不停學 感受聖誕氣氛
今年係家中小孩第4次過聖誕，唔知幾時開始孩子知道咗咩係聖誕節，仲會間中哼起聖誕歌曲，看到聖誕樹、燈飾又會特別興奮，所以作為媽媽，我估佢應該係幾鍾意聖誕節。為了增添聖誕氣氛，以及讓佢感受更多聖誕氣息，又有啲新嘢俾佢玩，所以準備一個小玩意。
WFH的親子活動
偶然都會見到其他媽媽分享的親子手作，大部分都由媽媽親手創作，但由於本人須邊陪伴邊工作，實在未有太多時間100%創作，現時不少網上代購都設有「WhatsApp即時落單Group」，加入咗呢類代購Group嘅我一見到聖誕自製掛飾（$19/盒六個）就忍唔住入手，好等WFH期間都可以有機會做啲親子手作。
《Frozen 夢幻特展》登陸將軍澳！18,000呎魔幻世界+1:1 Elsa｜2歲以下免費入場
BLW定傳統餵食TW好？BLW好處？小心唔夠營養！嬰兒加固5大注意
手工製作聖誕掛飾
收到兩款聖誕DIY掛飾之後，發現忘記了買顏色，好彩香港的書店都有相關的產品，大約$25左右有五支，於是買了配合度高的閃粉系列顏料，便可以開始製作。這個掛飾製作非常簡單，只需用手擠壓顏料到適合的位置便可，所以年紀較小的孩子都可以做到，不過就需要家長幫一幫手。
小朋友邊玩邊學＋訓練專注力
雖然製作上可以話無乜技巧，不過，因為需要運用到顏色，在玩的過程中，小朋友都可以學習顏色、創意、配色等，亦都可以讓他們在短短的製作過程中安靜下來，訓練一下他們的專注力，讓我這個WFH Mum都可以抖一抖。做好整個掛飾之後，大概要放置一天，隔天便會乾透可以掛起來作裝飾之用。
開心是最好的結果
小朋友做完之後會很期待看見成品，而且自己做的會特別珍惜及喜愛，看到小朋友開心大概就是最好的結果。雖然聖誕就過，不過如果家長們都想給小朋友試，可以買其他版本的DIY掛飾製作，今次深媽都買了Baby Shark款式連顏料的套裝，一盒$88，有十幾款公仔以及七支顏料，抵玩，小朋友大愛呀！
編按：專欄作者深媽，雙職媽媽一名，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！
作者簡介：深媽是一名雙職媽媽，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！
免責聲明：本網頁所有專欄作者的觀點，不代表本媒體立場。
