讀者來信：Anthony Sir你好！最近屋企人打算支持我去買樓，一來自己可以嘗試過獨立生活，二來也可以當作投資，然而家人買樓的經驗不多，我就更加是新手，應該從何開始呢？
回覆讀者來信：新手睇樓從何入手？
新手上車，不知從何入手，是正常的！首先你要問問自己：買樓的目的是甚麼？純粹有個地方自住？還是想又住又賺？財務自由？如果純粹為了有個地方自己住，不難！正如身邊不少姨媽姑姐，網上不少留言都這樣說…有能力就可以買…鍾意就可以買…然而如果你是為了又住又賺，長遠來說，資產倍增，財務自由，那麼就要認真對待買樓這件事，認真學習與實踐…
首先，可以由睇樓開始…
或者會有前輩同你講…睇多啲樓…睇100層樓…
睇樓固然重要，但盲目地睇樓並不足夠，要有方法，有系統！舉例說，有位網友就這樣問…我同屋企人住响深井浪翠園，住咗好多年囉，好鍾意呢度嘅環境，最近儲咗啲錢，想買多一層樓投資，睇咗好幾個屋苑，幾十個單位，包括帝濤苑、帝華軒、豪景花園等，亦睇過嗰邊嘅新盤，珺瓏灣、帝御金灣、OMA OMA、上源等等，1,000萬內，邊個比較有投資價值呢？
經不同地產代理睇樓｜為甚麼同一個單位有不同的樓價？｜第一桶金
深井到掃管笏一帶 跑輸大市
留意到嗎？網友睇的單位，全部都是深井到掃管笏一帶，如果是換樓自住還可以理解，如果要買樓投資，點解唔出去睇多啲呢？講真深井至掃管笏一帶，稍為有經驗見證過金融風暴的朋友都應該知道，由於交通及生活配套上的缺陷，一直以來都跑輸大市，可見將來也看不見有很大改善，尤其是網友現居的浪翠園更是經典案例，是金融風暴重災區，亦是最遲重返家鄉的屋苑之一，如果要買多間投資，點解會買返呢區？點解唔諗吓分散投資？
睇樓方法不對
網友已經睇了幾個屋苑，幾十個單位，為何仍有這個偏差？明顯地，睇樓的方法不對！其實很多人都有同樣的情況，自己住邊區，就睇邊區，買樓亦自然一定會買番嗰區，彷彿全世界只有一個地區，就好似網友咁，好似成個世界只有深井，如果純粹自住，要住近屋企人，尚算可以理解，然而如果要投資，點解唔去睇多啲其他地區呢？要搵一個更值得投資的地區，易如反掌！
睇樓固然重要，但要用對方法才有效…
首先，必須要多睇不同地區，不同的地區，有不同的生態，有不同的客源、優點、缺點，也有不同升值空間，例如有些地方多上班族，有些多學生客，有些多家庭客，有些過去幾年升得好勁，但已經升完，有些未來會有爆升潛力，有些價錢偏高，有些價錢偏低，如果唔睇多幾個地區，又點會識得比較呢？
睇樓搵筍盤的系統
所以筆者在我的課堂中，會給新手學員一個睇樓搵筍盤的系統，讓年青朋友可以跟着系統去睇樓，去發掘機會，讓他們可以在短短幾個月之內，掌握別人睇幾年樓的經驗。當然除了睇樓之外，還有很多事情需要準備，有機會再分享。
編按：專欄作者1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
