24歲讀者月入18K、每月可儲8K至10K,有15萬現金,近月曾試短炒,但有感「唔上唔落」冇肉食。想知如何理財投資才可在4年內儲到100萬元。

理財個案|疫情下假如有新疫苗推出!甚麼股份可谷底反彈|龔成教室

理財個案1|讀者來信:如何投資可4年賺100萬

老師,想請教理才財方法。我24歲,月入大概18,000元。有15萬現金,平時儲蓄約8,000至10,000元。近幾個月都試過短炒,唔上唔落咁。想係28歲或之前儲到100萬元。我應該點做係最好?另外想問月供股票係唔係真係有用?因為我見部份優質股都唔太點升,如太古地產,所以唔明白月供股票嘅威力,救指教。

龔成老師分析:短炒一定無用

短炒一定無用,我20年前都試過,炒幾年輸幾無,好後悔。你這個年齡,是財富增值的黃金時期,要好好把握,盡你一切的力量去儲蓄、投資、學投資知識。你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。做月供股票,每月$5,000。

月供股票每月$5,000

你可以考慮盈富(02800.HK)$2,000。另外再加1、2隻(每隻$1,500):銀娛(00027.HK)、恒基(00012.HK)、港鐵(00066.HK)、平安(02318.HK)、粵海(00270.HK)、領展(00823.HK)、希慎(00014.HK)、太古地產(01972.HK)等,你可以了解下這些股票,然後從中選股。

增長力高的潛力股

如果想增長力高少少,可考慮:阿里(09988.HK)、騰訊(00700.HK)、港交所(00388.HK)、舜宇光學(02382.HK)、小米(01810.HK)、比亞迪(01211.HK)、中生製藥(01177.HK),但就要明白波動性比上述會高左,同時風險大左,你要自己平衡。

保持儲蓄+投資滾大財富

如果你不懂股,就集中供盈富$5,000。現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。要$100萬有可能的,但你要保持儲蓄、投資,同時,努力學知識,你要好好運用餘下的現金,選股、買賣時機方面運用,先可以更有效滾大財富。

理財個案2|中國鐵塔 VS 福壽園

老師,中國鐵塔和福壽園,是否中國鐵塔比較有潛力和值博率呢?

龔成分析:兩隻都是有潛力股

兩隻都是有質素的股,潛力度同樣有,但要睇未來大環境的方向。中國鐵塔(0788.HK)是5G相關股,接下來會進入5G年代,佢業務一定受惠。不過,佢本身的回報率不算好高,加上現時估值唔平,因此,又未算好高值博率,但投資價值有的。至於福壽園(1448.HK),本身有質素,不過不會象中國鐵塔有主題,但長遠有增長潛力,但現價都唔算平。兩隻都是有潛力的股,這刻中國鐵塔會略略高D,加上有5G主題,相信中期會較強。

按此訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。