35歲已婚讀者、未有子女及正租樓住,可月儲1萬元但只有10萬元積蓄,希望5年內買到細單位「首選港島」、想知應投資甚麼才可達標?

理財個案|疫情下假如有新疫苗推出!甚麼股份可谷底反彈|龔成教室

理財個案|讀者來信:想5年內買細單位首選港島 

另外有問題想請教你,我今年35歲,已婚,冇細路,租樓住,每月扣哂開支大慨有$10000可儲,但我積蓄只有十多萬「因之前太大洗冇錢剩」。我想5年內買到細單位「首選港島」有冇可能?我應該投資邊啲類型可達標?謝謝幫忙。

另外想問一下隻恒大醫藥(00708.HK),我見佢賺錢能力好似麻麻地,仲要最近蝕錢,但5年前買佢嘅話而家升左3千幾%,啱啱仲話出隻新能源汽車,好似同佢本質業務好冇關係,其實呢隻 00708.HK 值唔值得投資?

龔成老師分析︰1萬做月供創財富增值平台 

你可以用1萬做月供,去創造一個財富增值平台。你將每月儲到5成的資金去做月供,其餘先儲起,用一邊月供一邊儲蓄的策略。

月供方面,你可以選擇投資在平穏增長股︰盈富(02800.HK)、金沙(01928.HK)、恒基(00012.HK)、中銀(02388.HK)、港鐵(00066.HK)、煤氣(00003.HK)、港交所(00388.HK)、粵海(00270.HK)、領展(00823.HK)、希慎(00014.HK)、太古地產(01972.HK)或潛力股︰比亞迪(01211.HK),中生(01177.HK)或福壽園(01448.HK)。

10萬資金可「分注」形式購入股票

由於現時大市只是合理區較底位置,你現有10萬資金可以先投入一半,用「分注」形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨。

以恒指過去年平均回報10%計(連股息再投資),你每月投資$10,000 + 本金10萬,5年後大約會增值至90萬,對首期應該會有幫助。

恒大健康業務增長快速 

恒大健康(00708.HK )是有風險,有回報的類別。佢業務增長的確快速,加上母公司中國恒大(03333.HK)可以在業務上支持佢同配合佢,我相信長遠是有發展的。雖然前景正面,但係估值方面,就好困難。佢而家仲係燒銀紙的狀態,幾時先有較具體的盈利?無人知。往後的盈利,有幾大?又無人知,市場只是估估下。

而它現時的市值去到成3,000億,只是估出來,好難用具體的財務數據支持。加上佢自己同母公司,仍然處於高負債的水平,令人較難放心投資。近期推出新能車,這部份會發展成點,尚係未知之數。此股潛力雖然有,但風險並存,如果你是小注的話,都可以。

按此訂閱《香港財經時報》HKBT 新聞快訊

編按:專欄作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。