【居屋2020】9月10日為居屋2020年首日接受申請的日子,不少市民期待已久。雖然抽中居屋的機率低,但仍有大量市民捉緊機會為求置業,一圓上車夢。網絡上不少人就是否申請今期居屋而發帖,詢問網民意見,其中一篇帖子更成為了城中熱話。

居屋2020重點 

今期居屋2020推售包括粉嶺山麗苑、馬鞍山錦駿苑、鑽石山啟翔苑及火炭彩禾苑4個屋苑共7,047個單位。售價由123萬元至513萬元不等,最低只需付約6萬元首期即可上車。居屋2020安排將於2021年1月攪珠,同年6月揀樓。不少市民已率先於網上填好申請表,或者專程到樂富房委會客務中心及屋邨辦事處領取或遞交申請表格。

4兄妹夾錢 欲為父親公屋升級至居屋

抽居屋已成為城中熱話,其中親子王國討論區更有樓主以「夾份公屋換居屋」為題,詢問網友買居屋。內容指有4兄妹正打算夾份為父親的公屋換成居屋,不但可送一份心意,又可作投資用途,而該樓將來亦會歸4兄妹共同擁有。

樓主已婚但沒有子女,而其他兄弟姊妹則各有兒女。樓主為此十五十六,他既希望向父親表達關心,卻又害怕人多意見多,兄弟姐妹可能會因層樓而爭執,有傷和氣。

網民因此引起熱烈討論,反對聲音卻是一面倒。幾乎所有回應都勸告樓主不要夾份,主要原因都是擔憂家人之間會反目成仇;亦有網民指老人家繼續住公屋比換居屋更好。網民的回應留言如下。

居屋申請填表8步曲避免DQ 網上交表注意3大要點

網民:講錢傷感情

大量網民提醒樓主,錢銀瓜葛是導致兄弟手足之間反目成仇的原因,有網民稱:「太多太多爭產案,大有大爭細有細爭」「咪搞,講錢失感情,見有會員唔肯賣自己層樓俾姑奶都反目。」

亦有網民指出樓主的4兄妹均有家室,變成「4房人」,將來爭吵只會牽涉更多人。其中一位網民回應:「4房人夾錢買樓,將來反面既可能性係百分之一百!唔好以為自己兄弟姊妹會係例外。」

有網民提供了類似案例給樓主作參考

另外,網民為制止樓主「做傻事」,而推送了不少事例以證明夾錢買樓的可怕性。例如,一位網民說:「除非你哋四個一次過俾曬錢,就唔會出現斷供問題。除非你四個寫曬合同⋯⋯不過,有人唔跟合約的話,又要花錢打官司⋯⋯」

另有網民留言:「樓主冇仔女就更加唔好制,到你想賣嘅時候其他人唔想⋯⋯見過一個例子係,幾兄弟姊妹承繼父母層樓,做最細嘅想等大嘅走晒,獨自佔左層樓比自己仔女。」不少網民由樓主利益入手,指他沒有子女,比起其他兄妹十分蝕底。

網民針對公屋、居屋和換樓問題

另外,不少網民直指換樓無用,繼續住公屋似乎更為划算。相關網民留言為:「但而家嘅居屋都唔平啦,而且出租要補地價,想將來出租平分都唔得,樓主成件事都係搵自己笨。」「今期有鑽石山超級樓王,只要有綠表加老人家都有機會中,樓主要企硬,我諗件事唔係你想像咁簡單,防人之心不可無,屋企人都係咁話。」

白居二2020申請表7步填完 慎防兩個中伏位 附6大年輕二手居屋屋苑介紹

網民建議將現有公屋大裝修更好

有網民提議,樓主一家可就老人家本身出發去表達關心。例如,若父親現時住的公屋環境和治安不太差,可選擇把買樓資金轉投放到裝修父親本身居住的公屋,每人夾10萬大改裝修變成新單位一樣。網民指:「幾兄弟姐妹夾錢裝修,等世伯住好啲,淨番啲錢世伯又可以食好啲,疫情好番仲可以旅行。」 

另外建議是:「4個夾錢買,唔使供,送比爸爸住,擁有權同使用權都係屬於爸爸,將來居屋成為遺產,亦按照爸爸意願執行。」

其他網民留言精華 

「要寫晒一百個情景⋯由爸爸走左到⋯有人急病要錢但爸爸仲健在⋯有人欠債有人要打官司⋯其中一個兄弟走咗⋯配偶還左⋯到相亡有仔女⋯樓價大跌⋯資不抵債⋯有人破產⋯有人謀財害命⋯⋯寫哂都冇用到時一定有特別情況。」

「以前係得你 4 兄妹,而家你係 4 房人。呢啲無乜見過可以和氣收場。你唔爭唔搶,另外嗰 3 個都可以爭餐死。」

「睇新聞都有講啦⋯⋯唔好講老人家百年歸老果日,就算未死都已經開始日爭夜爭,到頭來令到個老嘅唔安樂,而幾兄弟姊妹又反目成仇⋯⋯所以,唔好換喇!」

「唔好制,公屋一千幾百住過世,何必自尋煩惱?」