電話響起~
我:「你好,乜乜診所」
對方係一位女士:「診所呀?驗孕有幾多%準呀?」

我:「都起碼99%」
佢:「即係都仲有1%唔準呀?」
我:「仲要睇埋你經期遲咗幾耐之類,你有需要過嚟睇醫生呀」
佢:「我自己驗咗啦」
咁你打嚟係想同我分享好消息嗎?恭喜你呀!

【珍寶豬|寶豬診所】以為女士想驗孕!姑娘要求留小便不果!原因是...

驗孕棒的兩條線會否随時間消失

我:「哦,咁呀?係咪要寫證明俾公司呀?係嘅話都要過嚟check多一次,醫生先會寫信」
佢:「唔係呀!我唔要呀!」
我:「咁…我仲有冇其他嘢幫到你?冇嘅話我收線啦」
佢:「兩條線咗嘅會唔會隨住時間而消失呀?」
當然會啦,生完之後就會冇咗。

【珍寶豬|寶豬診所】瞓覺啦

不同時間點驗孕的結果會否不一樣

我:「你有需要嘅話不如直接嚟診所見醫生呀」
佢:「會唔會每個鐘都唔同呀?」
你不如正正經經接受咗個結果先。
我:「如果你係驗到兩條線嘅話,都冇咩可能下一個鐘就變返一條線嘅,你有咩問題或需要嘅都直接嚟診所見醫生呀」
佢:「咁聽日再驗呢?會唔會唔同?聽朝定聽晚會唔同啲呀?」
我:「你經期如果遲咗嚟超過一星期嘅話,驗到有都已經幾高準確度…你真係擔心嘅最好都係嚟做個詳細啲嘅檢查,呢啲都係越早做準備越好」

自己覺得唔準應該搵醫生

佢:「後日驗會唔會同今日唔同呀?我今日驗咗好多個鐘啦」
我:「你自己驗真係覺得唔準嘅就嚟俾醫生睇睇啦,我哋今晚收八點,你八點前嚟都仲得」
佢:「你直接話我知兩條線係有定冇呀?」
我一直都有講…
我:「你直接嚟診所,我哋同你驗一次啦」
佢:「我唔要呀!」
嘟。
佢cut咗我線…你點驗個結果都係一樣啊。

按此訂閱《香港財經時報》HKBT 新聞快訊

編按:珍寶豬任職診所助護多年,工作時遇見不少診所內的千奇百趣人生百態,別人看在眼內或會認為是份苦差,但轉換角度看每個見聞每個經歷亦可能是一個生活中的小警惕小樂趣。至今已出版《診所低能奇觀》1-6集。閱讀小故事時,請勿對號入座。

作者簡介:珍寶豬任職診所助護多年,工作時遇見不少診所內的千奇百趣人生百態,別人看在眼內或會認為是份苦差,但轉換角度看每個見聞每個經歷亦可能是一個生活中的小警惕小樂趣。至今已出版《診所低能奇觀》1-6集。閱讀小故事時,請勿對號入座。

免責聲明:本網頁所有專欄作者的觀點,不代表本媒體立場。