國泰裁員8,500人，港龍即日起停運，大量空姐空少受影響。30歲讀者已當空少6年，因疫情停工，每月只淨約12K底薪，有10萬資金但要還卡數及供儲蓄保險。由於現時復工無期，正考慮轉行及斷供儲蓄保險攞錢度難關。
理財個案｜小學教師要供樓人工月月清！太太借娘家30萬首期！投資要有新部署｜龔成教室
理財個案｜讀者來信：30歲空少疫情停工想轉行
龔sir您好，我今年30歲，做了空少6年，因為肺炎而停工，但仍有底薪大約$12000，近3個月睇了你其中9本書，現時面對以下人生同投資處境，希望龔sir可以俾意見及建議我。我有筆資金$10萬，計算過之後買埋份醫保後剩6個月備用現金（之前玩咗6年，用哂啲錢...)，有份保誠儲蓄保險（Year 1買，後來發現唔保本，每月$650供到55歲，不過保證每年可攞錢最多一半，覺得取消份野會蝕所以繼續）
理財個案｜父母月開支2萬！如何用200萬人仔退休金！用一半投資賺穩定現金流｜龔成教室
去年受騙至欠債 每月要還欠債
由於我份工復工無期（平時收入大約$30000），同時諗唔能夠做得長，同埋一直想做有意義的安老服務，所以想讀2年物理治療碩士轉行（可申請資助，算係唔使錢攞到個牌，但因為個program好密集所以一定要quit咗份工讀），之後人工大約$25000，會不斷加薪。讀書時諗住搵parttime做。而家每月最少還$4200卡數（未計其他支出）仲有一年半還完（係由於上年俾一間聲稱買賣bitcoin嘅外國公司呃，試過向銀行追討但失敗，冇報警因為上網搵過似冇香港人咁做過，故事太複雜唔講住）
儲蓄保險繼續供VS退保攞錢？
- 想問龔sir，假如我轉行係梗，你會建議我再做住份工儲多啲錢還哂啲錢先，定今年報讀碩士下年頭開學？
- 而保誠份儲蓄保，您會建議我賣出，定繼續供到55歲攞錢？
- 同埋我屋企人唔識投資，阿媽冇做野，行動不便，有大約$20-30萬可投資，想幫佢理財，您會建議我高息時買收息股，低息買債劵嗎？
- 我想問下預計市盈率係基於咩去計算？若果要計算下年盈利，係咪將持續有盈利項目數目，加上下年將會產生的盈利數目？咁股價上升的比率可否用5年平均股價升幅推算？多謝您睇哂成篇文兼解答呀！
龔成老師分析：趁後生早日轉行
- 首先，如果你過往多年無突破，而你對新行業有興趣，在你後生時，可以一試。加上你轉工對收入減少未算是巨大，所以博得過。
- 因為現時疫情，反正你收入都唔多，如果你本身的儲備足，不如這刻快手去讀你想讀的方向，這會更加好。有時呢個世界好有趣，你這刻面對困難，疫情令收入大減，但可能是天上比一個突破的機會你，所以，你可以去試。
- 至於儲蓄保，其實金額唔算大，可以作為理財中，防守的部分，因此，是可以繼續的。至於你阿媽，可以部分買收息股，部分留有現金，這已經是一個不差的組合，現時收息股基本上股價合理，可以投資。你可以建立一個收息股的組合，目標是5%、6%的股息率的收息股，例如港燈（02638.HK）、深高速（00548.HK）、香港電訊（06823.HK）、工行（01398.HK）、匯豐（00005.HK）、置富（00778.HK）、陽光（00435.HK）都可以。
- 預測市盈率，就是分析下年度的盈利，然後以現時的股價除，得出市盈率。當然，背後仍有好多分析的，上堂會有更多的講述。
編按：作者龔成是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
