氹小朋友食飯對不少家長來說或是難題，不過有家長就應3歲小朋友要求，將菠蘿炒飯製成「菠蘿炒飯味雪條」，如此不受規限的創意獲網民大讚！該家長更表示：「氹唔食飯嘅小朋友一流。」究竟小朋友食了變成雪條的飯有沒有問題呢？營養價值方面又會否有改變，《HKBT》找來營養師為大家解構。
氹小朋友食飯新招！自製「菠蘿炒飯雪條」
日前有網民於Facebook專頁 Day Day Explode 日日爆 中分享其煮食經驗，該家長網民表示其三歲小朋友既喜歡食雪條，又喜愛食菠蘿炒飯，有天提出希望食到「菠蘿炒飯味雪條」。該家長續指，由於當時碰巧雪櫃有隔夜飯及菠蘿，固決定與小朋友一起親子製作「波蘿炒飯雪條」，更詳細分享材料及食譜！
該家長網民指，是次親子製作雪條的結果非常成功，而且小朋友好開心。當事人更強調「其實味道唔差（exactly菠蘿炒飯味），有啲似紅豆雪條嘅口感同嚼頭。食完好似食咗碗飯咁，氹唔食飯嘅小朋友一流。大家都可以試下」
網民：小朋友的創意，大人的包容
此帖一出，即引來大量網民讚好及回應，絕大部分的回應都非常正面，不少網民更留言大讚其創意及勇於嘗試的做法。有網民留言說：「好欣賞呢位家長，佢冇同一般家長一樣 foul 咗個小朋友嘅 idea，反而同佢一齊整一齊試，呢件事好 warm！ 」也有網民搞笑地回應：「俾咗個good idea我，我仔鍾意鹹蛋蓮蓉，又鍾意雪糕，我可以試吓 」。
停課殺校｜家長抗拒付費網上教學！逾2,000所教育中心倒閉、6間國際幼稚園停辦
營養師：最緊要注意衛生
煮飯的方法的確有好多種，米飯不一定要用電飯煲煮、也不一定要趁熱食。不過令「菠蘿炒飯」變成「雪條」，在營養角度看，小朋友吃了究竟有沒有問題？美國註冊營養師（美國營養及膳食學碩士）羅嘉敏指出，菠蘿炒飯雪條其實沒有問題，最緊要是注意衛生。她說：「等於啲人食壽司一樣，不過我哋中國人通常食飯就熱辣辣食。 」而至於炒飯雪凍了的營養價值，其實不會流失太多，現在疫情下，「我都會建議人買多啲雪藏蔬菜凍肉放雪櫃，當然唔好雪太耐幾日先食，因為始終新鮮食物沒有防腐劑。」
最好新鮮 第二雪藏 第三罐頭
羅嘉敏更以「新鮮、罐頭、雪藏」作排列舉例，「最好當然係新鮮；第二係雪藏；第三罐頭」 ！不過，她個人則不太建議以此方法「氹小朋友食飯」，因除了擔心食物衛生問題外，她笑稱：「我唔會叫人雪藏啲飯俾小朋友食，冇人想食冷飯菜汁！」 她也認為若發現小朋友有偏食情況，應該針對其偏食原因，改善餐單鼓勵小朋友進食。
波蘿炒飯雪條材料及食譜：
- 白飯
- 罐頭菠蘿
- 雞蛋
- 豬肉鬆
- 提子乾
- 芝麻
- 椰青水
- 黃薑粉
- 咖哩粉
- 糖
參考製作前要自行承擔風險
該家長分享，首先跟足食譜先炒菠蘿炒飯，但毋須加鹽，放涼後加入椰汁、糖，再倒入雪條模雪過夜即可。製作方法看來非常簡單，不過，由於每個人的體質不一樣，加上食物於夏天較易變壞，炒飯雪條未必適合所有人，尤其是腸胃較幼嫩的小朋友。參考以上食譜製作及進食時要自行承擔風險。
