FG(Fresh Grad)讀者剛進入職場,人工只有15K,儲蓄只有1萬元,因收入不多故要收工後做兼職幫補,想轉工兼學投資提升收入,請教龔成老師意見。

理財個案|讀者來信:FG人工得15K想想轉工兼學投資增值  

龔sir你好,我係一個fresh grad,我真係好感激你,你嘅故事令我覺得好熱血,令我覺得我都可以唔受環境所限,要達到目標!我每日都會諗起你發奮去創當嘅事,你真係我嘅偶像,真心。好多謝你!但我返工就返得好唔開心,覺得自己社交能力好弱, 而且份工限制住唔可以工作時做自己嘢,每日加班加到7、8點。單次車程又用至少1.5hr。感覺已經冇咗自己時間。而份工嘅收入只係15K。

本身自己找了一份 Home Office Parttime,如果每日放工做多點,一個月可賺3,000元。但正職已令我好累,根本好難真係賺到3,000。而且我好擔心自己會唔會冇時間去學投資。我都好想上你堂,但而家先第一個月返工,儲蓄10,000都冇。要靠住自己先。我應該點做好呢?

如果轉工,可能會整花個CV(而且未必有15K)。如果唔轉,又會有好多問題。應該點先可以在繁忙嘅工作中,儲蓄更多現金同學習投資?

理財個案|45萬本疫情下蝕5萬!持有「煤氣+三桶油」止蝕還是長揸博翻身 |龔成教室

個案重點:

  • 初踏入社會
  • 現時收入不多
  • 現金不足

重點目標:

  • 可能轉工
  • 如何提升收入

龔成老師分析:不用急轉工 儲工作經驗為重 

剛剛踏入職場工作,人工不高、儲蓄不多,這是正常的,你有鬥心,已經比不少人強,但要成功,都需要一些時間,好難話一次過突破所有嘢。你現時正職雖然只有15,000元,但不用急著轉工,因為初工作人工不高是正常的,你要把握機會吸收工作經驗及學習。至於你兼職那方面,明白你已經好累,但我都希望你堅持一下。

其實我最初工作,正職人工8,000元,逼自己儲10,000元,當時逼自己做好多兼職,一個星期返7日,初出社會工作頭1、2年我最忙,但我都做到,之後就開始鬆返少少。初頭是困難的,但如果你有目標,就會有動力。我希望你這刻保持這份工職,同時繼續做兼職,等你可以儲多些錢,往後先辭去兼職。

兼職與學投資要取平衡點

另外,如果兼職真的佔你太多時間,你都要取平衡,我記得初工作頭兩年,我可以一邊做正職、一邊兼職、同時仲會逼自己睇投資書,這是我人生最忙的兩年,但所有嘢都是逼出來。我做兼職,都是補習之類的工作,時薪較高,同時時間有少少彈性。你要在兼職與學投資方面,取一個平衡點。

有錢人VS窮人思維!17種思考方式與行為決定你是否可變有錢人|龔成教室

編按:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。