繼日HKTVmall創辦人王維基親身回應及承認處理口罩投訴後，昨日HKTVmall口罩生產線再有新發展！HKTVmall口罩機上的「Made in HK」印模中的「HK」在生產口罩過程中突然飛脫，更被「俾鍘刀鍘到裂咗」！HKTVmall為免影響生產進度，決定繼續生產，但會變咗「期間限定版」HKTVmall 口罩，同時強調「雖然可能無咁靚仔，但唔影響口罩功能及保護性」。有網民表示：「錯體口罩，值得保留」也有大量網民回應指「HK獨立甩咗出黎」 ！
HKTVmall口罩被投訴冇鐵線有膠味 | 王維基fb親自回應跟進 | 網民感驚喜
HKTVmall口罩機故障
HKTVmall Facebook專頁昨晚(4月15日)發文表示，下午約4時半，位於將軍澳工業邨的Clean room (無塵間) 內，發生一宗不可思議嘅「口罩機寶寶發脾氣」事件。R小隊表示，近日馬不停蹄至復活節假期亦「日趕夜趕、每日起碼做13個鐘，希望生產更多口罩！」但未料於生產期間，口罩機卻突然發生巨響，R小隊兼口罩生產監督立刻停機並前往查看，發現口罩機上印字的模具，「Made in HK」中的「HK」原來獨立甩脫了出來，更「俾鍘刀鍘到裂咗！」
HKTVmall口罩登記抽籤仲有5日｜ASTM Level 2口罩65元30個｜成功中籤3個重點4大貼士
「HK」字模獨立甩脫！網民：HK甩難
此發文一出，再次引來網民熱議，有網民表示：「淨係香港甩出黎。。。應該係一個好預兆」、「獨立地甩出黎」、「HK甩難」、「香港脫離險境」！也有網民指，即使沒有「HK」2字，有HKTVmall字樣也知道是Made in HK，加上「錯版值得留作紀念，紀念付出無數努力克服無數困難做口罩的印記」回應非常正面！
3個方案繼續生產「期間限定版」HKTVmall口罩
HKTVmall續指，由於由台灣訂零件回來，最少要一至兩個星期時間，但生產並不能因此而暫停，所以決定同時進行以下3個方案：
- 生產繼續，但會變成「期間限定版」HKTVmall口罩，官方強調：「雖然可能無咁靚仔，但不會影響口罩功能及保護性」
- R小隊聽朝(4月16日)一早去搵本地薑幫手，睇吓可唔可以整返好個模。
- 聯絡台灣口罩機生產商，再訂字模。
第一批抽籤3,000盒口罩如期進行
HKTVmall小編最後表示，雖然生產口罩過程中「一波三折又三折，但係我哋係唔會放棄」。同時重申，第一批抽籤的3,000盒口罩，會如期進行。
大部分網民的反應均是正面及表示支持，未有對安排不滿。有網民表示：「錯體口罩，值得保留」、「錯版無損質素, 照買！」 、「有無字樣都會支持 hktvmall」、「如果買到，一定珍藏，見證歷史」
