25歲讀者擁10萬元儲蓄、現時月儲10,000元、並月供股票6000元,希望5年後擁100萬元,請教龔成老師意見。

讀者來信:

你好,我去到一個人生樽頸位。我現時每個月儲10,000。屋企有地方住,唔使俾家用,但係我做的行業長遠人工前途發展有限。諗過學門手藝技術,例如水電、冷氣之類,長遠做個師父,人工可以上升空間,無奈香港缺乏入行機會/學習期間人工好低。咁啱澳門有個機會,可以先聘請後培訓,仲有13k月薪俾返我,但係過去我要租樓,開支大好多,未必儲到錢/最多2,3千。

究竟睇長遠定好似而家安穩儲錢,定求變?雖然初期可能儲唔到,但長遠因為我有一門技術,從而向上流,人工有更大更好增長。我目標要係30歲有100萬,然後再創業。以前有過2年創業經驗,知道打工加創業,係可以幫我有效累積財富。而家25歲,暫時有10萬儲蓄,每個月月供6千蚊股票,希望成哥可以俾意見我。

理財個案重點:

  • 25歲
  • 有$10萬儲蓄
  • 每月儲$10000,月供股票$6000
  • 工作發展有限

理財重點目標:

  • 想有更大突破
  • 30歲擁$100萬

龔成老師分析:

我先講基本理財,然後再講你的大方向。你現時有$10萬,同時每月能儲$10000,只要你保持這個數目,相信要30歲有$100萬不是問題。你現時月供$6,000適合,你保持就得,餘下$4000就儲現金先。同時,你最好增加股票知識,令你在選股、企業估值、投資時機上下功夫,只要你這方面做得好,好有效運用餘下資金,之後財富就有更好的增長,同埋你年輕,提升知識增加投資回報率,對你長遠財富影響好深遠。

至於你長遠的發展,你有兩樣野要諗,

  • 第一,長遠方向,你想自己5年後、10年後點。
  • 第二,安穩係唔係一定要。如果否的話,多想究破,否果一定要安穩,就只能安穩。

30歲擁100萬元不是難事


的確有不少人一定要安穩的,這是他們的大前提,如果你都是這類人,也無辦法。我當然建議人突破,但唔係個個做到,如果你會將安穩放在好大位置,就只有繼續安穩。不過,安穩不是沒有突破機會,但你就要多努力,你要在安穩工作同時,利用餘下時間,努力在一邊工作之餘,一邊試試突破:包括希望日後升職、試試創業做小生意、提升投知知識。

30歲$100萬不是難事,除了做好之前講的理財外,同時你要思考自己的發展,想清楚自己行咩路,你試下找一天,好好同自己傾下計,問下自己,你5年後想變成點樣?

延伸閱讀:【理財個案】擔保人想轉按再加按套現!投資的士牌創造現金流︱龔成教室

編按:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。