【理財個案】謝謝你給我嘅意見，好有方向。這幾天我入了這三隻美股，TSLA , AMD , NVDA。人買我又買，真係唔識，三隻都係一買就跌。雖然跌幅未係好大，但你建議我keep還是放呢？謝謝你
理財個案｜龔成老師分析︰投資一定係長線
首先，你要調整自己心態，因為你對投資看法，同好多散戶一樣，好將焦點放係股價，特別係短期股價波動。其實，我哋投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
長線質素無明顯轉壞
所以，我哋唔會好似坊間散戶咁，經常要睇住個股價上落。反而係投資前，我哋要做較多準備功夫，去分析一間企業質素和平貴度，以制定入市策略。當買入後，只要佢長線質素無明顯轉壞，我地長線持有，讓其自然增值就可以。
即係話，我哋持有一隻股票後，唔會理佢短期股價波動，唔會因為佢跌幾多，就去沽貨。除非我地見倒，佢架核心質素弱左，或者個價異常地貴，才會減持。
3隻股票都有長線投資價值
你手上的3隻股票，都有長線投資價值，但同屬潛力股類別，波動性較大。作為新手架你，建議未來投資先集中平穏增長股(見上次回覆)，咁會較好。
AMD、NVDA近期有點炒熱，雖然我自己都睇好佢地長遠發展，但短期股價有點波動。如果你風險承受能力不高，其實未必適合投資這些。加上現時股價較高位，你小注好了。
長線回報100%跟知識成正比
最後，建議你提升自己投資知識。因為長線回報，係100%跟你知識成正比。比起這幾隻股，我更擔心你的投資心態，投資真的不是博博下，要有知識，要做功課，要有投資策略。我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
